രാജ്യത്ത് കീടനാശിനികൾ മൃഗങ്ങളിൽ പരീക്ഷിക്കുന്നതിന് നിയന്ത്രണമേർപ്പെടുത്താൻ നീക്കം. പീപ്പിൾ ഫോർ ദി എത്തിക്കൽ ട്രീറ്റ്മെന്റ് ഓഫ് അനിമൽസ് ഇന്ത്യ (പെറ്റ ഇന്ത്യ) ശാസ്ത്രജ്ഞരുടെ നിർദേശപ്രകാരമാണ് കേന്ദ്രത്തിന്റെ നീക്കം. പെറ്റ ഇന്ത്യ മുന്നോട്ടുവച്ച ബദലുകൾ‍ക്ക് കാർഷിക മന്ത്രാലയത്തിന്റെ കീഴിലുള്ള രജിസ്ട്രേഷൻ കമ്മിറ്റി അംഗീകരിച്ചു.
രാജ്യത്ത് പ്രതിവർഷം നിരവധി മൃഗങ്ങളാണ് കീടനാശിനി പരീക്ഷണങ്ങളുടെ ഭാഗമായി ഇല്ലാതാകുന്നത്. വിശ്വാസ യോഗ്യമല്ലാത്ത പരീക്ഷണങ്ങളിൽ മൃഗങ്ങളെ വിഷം കൊടുത്ത് കൊല്ലുന്നതിൽ നിന്നും പുതിയ മാർഗ നിർദേശങ്ങൾ തടയുമെന്ന് പെറ്റ അറിയിച്ചു.
മുയലുകൾ, ഗിനിപ്പന്നി, എലി തുടങ്ങിയ മൃഗങ്ങളുടെ നേർത്ത ചർമത്തിലും കണ്ണുകളിലും രാസവസ്തുക്കൾ പരീക്ഷിക്കുന്നതിന് പകരമായി മറ്റ് രീതികൾ കാർഷിക മന്ത്രാലയം സ്വീകരിക്കും. ഒപ്പം എലികൾക്കും പക്ഷികൾക്കും കീടനാശിനി കലർത്തിയ ഭക്ഷണ പാനീയങ്ങൾ നൽകി നടത്തുന്ന പരീക്ഷണങ്ങൾക്കും നിയന്ത്രണങ്ങൾ ഏർപ്പെടുത്തും.
മൃഗങ്ങളിൽ നടത്തുന്ന പരീക്ഷണങ്ങൾക്ക് പകരം ശാസ്ത്രീയമായ മറ്റ് നൂതന പരീക്ഷണങ്ങൾ വികസിപ്പിക്കാൻ കേന്ദ്രവുമായി ഇനിയും കൈകോർക്കുമെന്നും പെറ്റ ഇന്ത്യ അറിയിച്ചു.
English summary;reduce animal testing for pesticides
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.