15 June 2024, Saturday

Related news

January 18, 2024
September 14, 2023
May 11, 2023
February 17, 2023
December 1, 2022
August 28, 2022
February 18, 2022

കുട്ടികള്‍ക്കെതിരായ ലെെംഗീക പീഡനം: പുരോഹിതന്മാരുടെ പട്ടിക പുറത്തുവിട്ട് കൊളംബിയന്‍ കത്തോലിക്കാ സഭ

Janayugom Webdesk
ബൊഗോട്ട
August 28, 2022 10:08 pm

പ്രായപൂര്‍ത്തിയാകാത്ത കുട്ടികളെ ലൈംഗികമായി പീഡിപ്പിച്ച പുരോഹിതന്മാരുടെ പട്ടിക പുറത്തുവിട്ട് കൊളംബിയയിലെ കത്തോലിക്കാ സഭ. 1995നും 2019നുമിടയില്‍ ലൈംഗികാരോപണ കേസുകളില്‍ അന്വേഷണം നേരിടുന്ന 26 പുരോഹിതരുടെ പട്ടികയാണ് പുറത്തുവിട്ടിരിക്കുന്നത്. പട്ടികയിലുള്‍പ്പെട്ട പുരോഹിതന്മാരെ കുറച്ചുകാലത്തേക്ക് സസ്പെന്‍ഡ് ചെയ്തിരുന്നെങ്കിലും അവരെ വീണ്ടും പുരോഹിതവൃത്തി തുടരാന്‍ അനുവദിച്ചതായും കൊളംബിയന്‍ പ്രാദേശിക മാധ്യമം റിപ്പോര്‍ട്ട് ചെയ്യുന്നു.
പീഡോഫൈല്‍ വൈദികരെക്കുറിച്ച് അന്വേഷിക്കുന്ന പത്രപ്രവര്‍ത്തകന്‍ ജുവാന്‍ പാബ്ലോ ബാരിയന്റോസിന് അനുകൂലമായി കോടതി വിധി വന്നതിന് പിന്നാലെയാണ് മെഡെലിന്‍ അതിരൂപതയുടെ നീക്കം. ഭരണഘടനാ കോടതിയുടെ നിര്‍ദ്ദേശപ്രകാരമാണ് സഭ പേരുകള്‍ പുറത്തുവിട്ടത്. ക്രിസ്തീയ പുരോഹിതരുടെ ലൈംഗികാതിക്രമങ്ങളെക്കുറിച്ച് അന്വേഷണം നടത്തുന്ന മാധ്യമപ്രവര്‍ത്തകനാണ് ബാരിയന്റസ്. അതിരൂപതയുടെ സുതാര്യതയും സത്യത്തോടുള്ള പ്രതിബദ്ധതയും ഒന്നും മറച്ചുവെക്കാനുള്ള ഉദ്ദേശ്യം ഞങ്ങള്‍ക്കില്ലെന്ന കാര്യവും തെളിയിക്കേണ്ടതുണ്ടെന്ന് മെഡലിന്‍ ആര്‍ച്ച്ബിഷപ്പ് മോണ്‍സിഞ്ഞോര്‍ റിക്കാര്‍ഡോ ടോബണ്‍ പറഞ്ഞു. കൊളംബിയയിലെ ജനസംഖ്യയില്‍ ഭൂരിഭാഗം ആളുകളും റോമന്‍ കത്തോലിക്കാ വിഭാഗത്തിലുള്ളവരാണ്. രാജ്യത്ത് കുറഞ്ഞത് ആറ് പുരോഹിതരെങ്കിലും കുട്ടികളെ പീഡിപ്പിച്ച കേസില്‍ ജയില്‍ശിക്ഷ അനുഭവിച്ചിട്ടുണ്ട്.

Eng­lish Sum­ma­ry: Sex­u­al abuse of chil­dren: Colom­bian Catholic Church releas­es list of priests

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.