പ്രശസ്ത ഇന്ത്യന്‍-അമേരിക്കന്‍ ഗായിക വിദ്യ വോക്സിന്റെ കേരളം പശ്ചാത്തലമാകുന്ന ‘ശുഭമാംഗല്യം’ വീഡിയോ ഗാനം വൈറലാകുന്നു. ലോകത്തെ ഏറ്റവും ആകര്‍ഷകമായ വെഡ്ഡിങ് ഡെസ്റ്റിനേഷനുകളില്‍ ഒന്നെന്ന നിലയില്‍ ശ്രദ്ധ നേടിയിട്ടുള്ള കേരളത്തിന്റെ മനോഹാരിത പ്രയോജനപ്പെടുത്തുന്നതാണ് ഈ വീഡിയോ ഗാനം. മലയാളികളല്ലാത്ത ദമ്പതികള്‍ കേരളത്തില്‍ വിവാഹം ആഘോഷിക്കുന്നതാണ് ‘ശുഭമാംഗല്യ’ത്തില്‍ ചിത്രീകരിക്കുന്നത്.
കേരള ടൂറിസവുമായി സഹകരിച്ചായിരുന്നു ചിത്രീകരണം. മൂന്നര മിനിറ്റ് ദൈര്‍ഘ്യമുള്ള ഗാനം ഇംഗ്ലീഷ്, ഹിന്ദി, മലയാളം വരികള്‍ ഇടകലര്‍ത്തിയുള്ളതാണ്. ആലപ്പുഴയിലെ കായല്‍, വാഗമണ്‍, മാരാരി ബീച്ച് എന്നിവിടങ്ങളില്‍ ചിത്രീകരിച്ച ‘ശുഭമാംഗല്യം’ രണ്ട് മാസത്തിനുള്ളില്‍ യൂട്യൂബില്‍ പത്ത് ലക്ഷത്തിലധികം കാഴ്ചക്കാരെ നേടി. ഫേസ്ബുക്ക്, ഇന്‍സ്റ്റഗ്രാം, ട്വിറ്റര്‍ തുടങ്ങി മറ്റ് സമൂഹ മാധ്യമ പ്ലാറ്റ്ഫോമുകളിലും ഗാനം ജനപ്രീതി നേടിയിട്ടുണ്ട്. കേരളത്തിന്റെ പ്രകൃതിസൗന്ദര്യവും അനുയോജ്യമായ വെഡ്ഡിങ് ഡെസ്റ്റിനേഷന്‍ എന്ന നിലയിലുള്ള ഇടവും ‘ശുഭമാംഗല്യ’ത്തിന് ലഭിച്ച കമന്റുകളില്‍ വെളിപ്പെടുന്നു.
English Summary: ‘Shubhamangalyam’ video song viral with Kerala backdrop
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.