17 June 2024, Monday

Related news

March 13, 2024
January 29, 2024
January 24, 2024
October 19, 2023
September 27, 2023
September 3, 2023
June 2, 2023
April 17, 2023
April 15, 2023
April 5, 2023

മൂന്നാറില്‍ വീണ്ടും നീലവസന്തം

സി ഡി ഗോപകുമാർ 
അടിമാലി
January 28, 2023 10:21 pm

മൂന്നാറിലെ വഴിയോരങ്ങളിൽ കാണികൾക്ക് ഒരിക്കല്‍കൂടി നീല വസന്തത്തിന്റെ വിസ്മയക്കാഴ്ചയൊരുക്കി ജക്കരന്ത മരങ്ങൾ പൂവണിഞ്ഞു. വർഷം തോറും ശൈത്യകാലത്താണ് മരങ്ങൾ പൂത്തുലയുന്നത്.
പള്ളി വാസലിനും ഹെഡ് വർക്സ് ഡാമിനുമിടയിൽ പാതയോരത്ത് തേയിലക്കാടിനു സമീപമാണ് വർണാഭമായ പൂക്കൾ നിറഞ്ഞ മരങ്ങൾ കൗതുക കാഴ്ചയൊരുക്കിയിട്ടുള്ളത്. 18-ാം നൂറ്റാണ്ടിൽ തേയില കൃഷിയ്ക്കായി വന്ന ബ്രിട്ടീഷ് കമ്പനിക്കാരാണ് വിദേശിയായ ജക്കരന്ത മരങ്ങളെ മൂന്നാറിലെത്തിച്ചത്. തോട്ടം മേഖലയിൽ വ്യാപകമായി വിവിധ ഇനം പൂമരങ്ങൾ നട്ടുപിടിപ്പിച്ച് പരിപാലിച്ചിരുന്നു. ഇന്നും മൂന്നാർ ‑മറയൂർ പാതയോരങ്ങളിൽ വിവിധ വർണങ്ങളിലുള്ള മരങ്ങൾ പൂത്തുലഞ്ഞു നിൽക്കുന്നത് വേറിട്ട കാഴ്ചയാണ്.

പെരിയവരൈ, കന്നിമല, ചട്ടമൂന്നാർ മേഖലകളിൽ നിരവധി മരങ്ങൾ ഇപ്പോഴുമുണ്ട്. പള്ളിവാസൽ, പെരിയ കനാൽ മേഖലകളിലെ തേയിലത്തോട്ടങ്ങളിൽ ഫലസമൃദ്ധമായ ഓറഞ്ച് മരങ്ങളും കാണാം. മഞ്ഞുവീഴ്ചയും ഹരിതാഭമായ തേയിലത്തോട്ടങ്ങളിലെ വർണ വൈവിധ്യ കാഴ്ചകളും മൂന്നാറിന്റെ സൗന്ദര്യത്തിന് മാറ്റുകൂട്ടിയിട്ടുണ്ട്. 

Eng­lish Sum­ma­ry: spring again in Munnar

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.