മുംബൈയിൽ സ്ഥിരീകരിച്ചത് എക്സ്ഇ വകഭേദമല്ലെന്ന് കേന്ദ്ര ആരോഗ്യ മന്ത്രാലയം

മുംബൈയിൽ സ്ഥിരീകരിച്ചത് എക്സ്ഇ വകഭേദമല്ലെന്ന് കേന്ദ്ര ആരോഗ്യ മന്ത്രാലയം. ഒമിക്രോണിനെക്കാൾ 10 മടങ്ങ് വ്യാപന ശേഷിയുളള കോവിഡ് വൈറസ് വകഭേദമാണ് എക്സ് ഇ.

ദക്ഷിണാഫ്രിക്കയിൽ നിന്നു ഫെബ്രുവരിയിൽ തിരിച്ചെത്തിയ കോസ്റ്റ്യൂം ഡിസൈനറായ അൻപതുകാരിയിൽ എക്സ്ഇ ബാധ സ്ഥിരീകരിച്ചെന്നും കാര്യമായ ആരോഗ്യപ്രശ്നങ്ങളില്ലെന്നുമാണ് മുംബൈ മുനിസിപ്പൽ കോർപറേഷൻ ഇന്നലെ അറിയിച്ചത്.

മുംബൈയിൽ മാർച്ച് രണ്ടിന് ശേഖരിച്ച 230 സാംപിളിൽ നടത്തിയ ജനിതക ശ്രേണീകരണ പഠനത്തിലാണു പുതിയ വകഭേദം കണ്ടെത്തിയതെന്ന് മുനിസിപ്പൽ കോർപറേഷൻ പറയുന്നു.

എന്നാൽ, ജനിതക പരിശോധന നടത്തുന്ന ലാബുകളുടെ കൺസോർഷ്യം സാംപിൾ പരിശോധിച്ചതായും എക്സ്‍ഇ വകഭേദത്തിന്റെ ജനിതക ഘടന ഇതിനില്ലെന്നുമാണ് ആരോഗ്യമന്ത്രാലയം അറിയിച്ചത്. ഒരേ ആളിൽ തന്നെ ഒമിക്രോണിന്റെ ബിഎ. 1,ബിഎ. 2 വകഭേദങ്ങളുടെ സാന്നിധ്യം ഒരുമിച്ചുണ്ടാകുമ്പോഴാണ് എക്സ്ഇ സ്ഥിരീകരിക്കുന്നത്.

Eng­lish summary;The Union Min­istry of Health has said that the XE vari­ant has not been con­firmed in Mumbai

You may also like this video;