വയനാട്ടിൽ വനത്തില്‍ തേനെടുക്കാന്‍ പോയ സംഘത്തിലെ പിഞ്ചുകുഞ്ഞ് ഉള്‍പ്പെടെ രണ്ടുപേര്‍ മരണപ്പെട്ടു. മൂപ്പൈനാട് പരപ്പന്‍പാറ ചോലനായ്ക്ക കോളനിയിലെ വലിയ വെളുത്തയുടെ മകന്‍ രാജന്‍ (47), നിലമ്പൂര്‍ കുമ്പപ്പാറ കോളനിയിലെ സുനിലിന്റെ 4 മാസം പ്രായമുള്ള ആണ്‍ കുട്ടി എന്നിവരാണ് മരിച്ചത്. കഴിഞ്ഞ ദിവസമാണ് ഇവര്‍ തേനെടുക്കാനായി നിലമ്പൂര്‍ അതിര്‍ത്തി വനത്തില്‍ പോയത്. രാജന്‍ തേനെടുക്കുന്നതിനിടെ താഴെ വീഴുകയായിരുന്നു.
ഇത് കണ്ട് ഓടിയ ബന്ധുവായ യുവതിയുടെ കയ്യിലുണ്ടായിരുന്ന കുട്ടി താഴ്ചയിലെ കാട്ടരുവിയിലെ പാറക്കെട്ടിലേക്ക് തെറിച്ച് വീണ് മരണപ്പെടുകയായിരുന്നൂവെന്നാണ് കൂടെയുണ്ടായിരുന്നവര്‍ പറയുന്നത്. ഇവരെ തേനീച്ച ആക്രമിച്ചതിനെ തുടര്‍ന്നാണ് അപകടമുണ്ടായതെന്നും ഒരു വിഭാഗം പറയുന്നു.മൃതദേഹങ്ങള്‍ പാടിവയല്‍ സാമൂഹികാരോഗ്യ കേന്ദ്രത്തില്‍ സൂക്ഷിച്ചിരിക്കുകയാണ്.വനത്തിന്റെ ഉള്‍ഭാഗത്ത് നടന്ന അപകടമായതിനാല്‍ പുറം ലോകം വിവരമറിയാന്‍ ഏറെ വൈകി. തുടര്‍ന്ന് മേപ്പാടി പോലീസും, ഫയര്‍ഫോഴ്‌സ്,സന്നദ്ധ സംഘടന വൊളണ്ടിയര്‍മാരും സംയുക്തമായാണ് മൃതദേഹങ്ങള്‍ പുറത്തെത്തിച്ചത്.
English Summary: Two people, including a child, were killed when a bee stung them
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.