നിറയെ
കഥകളുടെ
മണമുള്ള കുന്നിൽ
തണലിനെയെല്ലാം
വെയിലു തിന്നുന്നു
മരങ്ങളുടെ നിലവിളി,
പക്ഷികളുടെ ചിറകടി
നാരായ വേരുകളിൽ
ഭൂമിയുടെ ഉപ്പ്
ചിതകളിൽ
നട്ടവരുടെ ചൂര്
വർത്തമാനത്തിന്റെ ചവർപ്പ്…
പൂക്കാലം
മൈഥുനങ്ങൾ
അടയിരുപ്പ്…
കാലത്തിന്റെ വഴികളെല്ലാം
നിശ്ചലമാകുന്നു
കഥയിൽ
വിശപ്പാറ്റിയവർ,
തണലു തീർത്തവർ
ചരിത്രത്തിന്റെ വെയിലേറ്റവർ
വേഗതയുടെ ലോകത്ത്
യന്ത്രങ്ങൾക്കെന്തിന്
മരങ്ങളുടെ
തണലും കുളിരും മധുരവും…?
വഴിയിൽ
കൈകളുയർത്തി
ഒരു യന്ത്രം മുരളുന്നു
അനുഭവങ്ങളുടെ
അടയാളങ്ങളുള്ള
മുത്തശ്ശിമാവ്
വിറകൊള്ളുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.