Friday
20 Apr 2018

രാജേഷിനെ കൊലപ്പെടുത്താന്‍ ഉപയോഗിച്ച വാളും വെട്ടുകത്തിയുംകരുനാഗപ്പള്ളി ക​ന്നേ​റ്റി കാ​യ​ലില്‍ നിന്ന് പോലീസ് കണ്ടെത്തി

By: Web Desk | Wednesday 11 April 2018 1:22 PM IST

തിരുവനന്തപുരം: റേ​ഡി​യോ ജോ​ക്കി രാജേഷിനെ കൊലപ്പെടുത്താന്‍ ഉപയോഗിച്ച വാളും വെട്ടുകത്തിയുംകരുനാഗപ്പള്ളി ക​ന്നേ​റ്റി കാ​യ​ലില്‍ നിന്ന് പോലീസ് കണ്ടെത്തി. കോസ്റ്ര് ഗാര്‍ഡിന്റെയും മത്സ്യത്തൊഴിലാളികളുടെയും സഹായത്തോടെ നടത്തിയ നീണ്ട തെരച്ചിലിലിനൊടുവിലാണ് ഇന്ന് രാവിലെ എട്ട് മണിയോടെ ആയുധങ്ങള്‍ കണ്ടെത്തിയത്. രാജേഷ് വധത്തിലെ മുഖ്യസൂത്രധാരനായ അ​ലി​ഭാ​യി​യേയും കൂട്ടാളി തന്‍സീറിനെയും സ്ഥലത്തെത്തിച്ചായിരുന്നു തെരച്ചില്‍. എന്നാല്‍, പ്രതികള്‍ സംഭവ സമയത്ത് ധരിച്ചിരുന്ന ര​ക്തം പു​ര​ണ്ട ത​ങ്ങ​ളു​ടെ വ​സ്ത്ര​ങ്ങ​ള്‍ കണ്ടെത്താനായിട്ടില്ല. വസ്ത്രങ്ങളും കായലില്‍ ഉപേക്ഷിച്ചുവെന്നാണ് പ്രതികളുടെ മൊഴി.

അ​ലി​ഭാ​യി എ​ന്ന സാ​ലി​ഹ് ബിന്‍ ജ​ലാ​ലി​നെയും തന്‍സീറിനെയും മു​ഖം മൂ​ടി ധ​രി​പ്പി​ച്ച്‌ കൈ​ക​ളില്‍ വി​ല​ങ്ങ​ണി​യി​ച്ചാ​ണ് കൊ​ണ്ടു​വ​ന്ന​ത്.ആ​റ്റി​ങ്ങല്‍ ഡി​വൈഎ​സ്പി ടി അ​നില്‍​കു​മാ​റി​ന്റെ നേ​തൃ​ത്വ​ത്തിലുള്ള പോലീസ് ആണ് എത്തിയത്.

കൊല നടത്തിയശേഷം ഓച്ചിറയിലേക്ക് മടങ്ങിയ സംഘം കൊലയ്ക്കുപയോഗിച്ച ആയുധങ്ങള്‍ ചവറ കായലില്‍ ഉപേക്ഷിക്കാനായിരുന്നു ആദ്യം തീരുമാനിച്ചിരുന്നത്. എന്നാല്‍ ഈ കായലിനെക്കുറിച്ച്‌ അറിയാമായിരുന്ന അലിഭായി അവിടെ ഉപേക്ഷിക്കണ്ടെന്നും അപകടമാണെന്നും പറഞ്ഞു. തുടര്‍ന്ന് കരുനാഗപ്പള്ളിയിലെത്തിയ സം​ഘം ക​ന്നേ​റ്റി പാ​ല​ത്തില്‍ കാര്‍ നി​റു​ത്തി​യ​ശേ​ഷം വ​സ്ത്ര​ങ്ങ​ളും വാ​ളും കാ​റി​ലി​രു​ന്ന് ത​ന്നെ കാ​യ​ലി​ലേ​ക്ക് വ​ലി​ച്ചെ​റി​ഞ്ഞെ​ന്നാ​ണ് അലിഭായുടെ മൊഴി. വസ്ത്രങ്ങള്‍ കണ്ടെത്താനുള്ള തെരച്ചില്‍ തുടരുകയാണ്.

Related News