പ്രസവിച്ച ഉടന്‍ കുഞ്ഞുങ്ങള്‍ മരിക്കുകയയോ ചാപിള്ളയെ പ്രസവിച്ചാലോ കേന്ദ്ര സര്‍വീസിലുള്ള വനിതാ ജീവനക്കാര്‍ക്ക് 60 ദിവസം പ്രത്യേക അവധി അനുവദിച്ച്‌ കേന്ദ്ര സര്‍ക്കാര്‍. പ്രസവിച്ച ഉടന്‍ കുഞ്ഞുങ്ങള്‍ മരിച്ചാല്‍ മാതാവിനുണ്ടാകുന്ന വൈകാരിക ആഘാതം പരിഗണിച്ചാണ് പേഴ്‌സനല്‍ മന്ത്രാലയത്തിന്റെ ഉത്തരവ്. ഇത്തരം സംഭവങ്ങളില്‍ അവധിയില്‍ വ്യക്തത തേടി നിരവധി അപേക്ഷകള്‍ ലഭിച്ചിരുന്നതായി മന്ത്രാലയം വ്യക്തമാക്കി.
രണ്ടില്‍ കൂടുതല്‍ കുട്ടികളുള്ളവര്‍ക്ക് ഈ ആനുകൂല്യം ലഭിക്കില്ല. പ്രസവം സര്‍ക്കാര്‍ ആശുപത്രികളില്‍ നിന്നോ സര്‍ക്കാര്‍ ആനുകൂല്യങ്ങള്‍ക്ക് എംപാനല്‍ ചെയ്ത സ്വകാര്യ ആശുപത്രികളില്‍ നിന്നോ ആയിരിക്കണമെന്ന് നിബന്ധനയുണ്ട്. ജനിച്ച്‌ 28 ദിവസത്തിനകം കുഞ്ഞുങ്ങള്‍ മരിക്കുന്ന സ്ത്രീകള്‍ക്കാണ് ഈ അവധി അനുവദിക്കുക. കേന്ദ്ര ആരോഗ്യ കുടുംബക്ഷേമ മന്ത്രാലയവുമായി കൂടിയാലോചന നടത്തിയ ശേഷമാണ് പേഴ്‌സനല്‍ മന്ത്രാലയത്തിന്റെ ഉത്തരവ്.
കുഞ്ഞിന്റെ മരണം മുതലുള്ള തീയതിയാണ് അവധിയായി കണക്കാക്കുക. നേരത്തെ എടുത്ത പ്രസവാവധി ജീവനക്കാരുടെ ക്രെഡിറ്റിലുള്ള മറ്റ് ഇനത്തിലുള്ള അവധിയിലേക്ക് മാറ്റും. ഇതിന് പ്രത്യേക മെഡിക്കല്‍ സര്‍ട്ടിഫിക്കറ്റിന്റെ ആവശ്യമില്ല.
English Summary: 60 days special leave for women employees if babies die soon after delivery
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.