Lambic tetrameter ആണ് കവിതയുടെ മീറ്റര്‍ (metre). അതായത് ഓരോ വരിയിലും നാല് iambic feet കാണുന്നു. ലളിതമായി പറഞ്ഞാല്‍, ഓരോ വരിയിലും “ഉച്ചരിക്കാത്ത ശബ്ദ അക്ഷരങ്ങളും ഉച്ചരിക്കുന്ന ശബ്ദ അക്ഷരങ്ങളും” ചേര്‍ന്ന ഗണങ്ങള്‍ (an unaccented syllable followed by an accented syllable) നാലെണ്ണം വീതം ഉണ്ടാകുന്നു. എന്നാല്‍ ഈ കവിതയില്‍ ഓരോ പദ്യഖണ്ഡത്തിന്റെയും അവസാനവരിയില്‍ മൂന്ന് iambic feet മാത്രമേ ഉള്ളൂ.
ഉദാഹരണമായി പദ്യത്തിന്റെ ആദ്യ വരികള്‍ ചുവടെ ചേര്‍ക്കുന്നു.
“I HEARD/a THOU/Sand BLEND/ed NOTES
While IN/a GROVE/I SATE/reCLINED
in THAT/Sweet MOOD/When PLEA/sant THOUGHTS
bring SAD/thoughts TO/the MIND.”
കവിതയില്‍ ധാരാളം figure of speech ഉം ഉപയോഗിച്ചു കാണുന്നു. അതിലൊന്ന് personification ആണ്. മനുഷ്യനല്ലാത്തവയ്ക്ക് മനുഷ്യസ്വഭാവം ആരോപിക്കുന്നതാണിത്. ഉദാഹരണവരികള്‍ ചുവടെ ചേര്‍ക്കുന്നു.
“To her fair works did Nature link.”
“And ‘its my faith that every flower enjoys the air it breathes.”
“The budding twigs spread out of the fan to catch the breezy air.”
“If this belief from Nature’s holy plan.”
Alliteration ആണ് മറ്റൊന്ന്. വരിയിലെ വാക്കുകള്‍ consonant അക്ഷരത്തില്‍ അഥവാ ശബ്ദത്തില്‍ വരുന്ന രീതിയാണിത്. “What man has made of man” എന്ന വരിയില്‍/m/ശബ്ദം ആവര്‍ത്തിക്കുന്നത് അതിനുദാഹരണമാണ്.
Assonance ഉം കവിതയിലുണ്ട്. ഒരു Vowel ശബ്ദം വാക്യത്തിലെ വാക്കുകളില്‍ ആവര്‍ത്തിക്കുന്നതാണിത്. “The Periwinkle trailed its wreaths” എന്ന വരിയില്‍ ഒരു /I/ (ഇ) ശബ്ദം ആവര്‍ത്തിക്കുന്നുണ്ട്.
ധാരാളം rhyming wordകളും കവിതയില്‍ കാണാം. Notes-thoughts, reclined-mind, link-think, ran-man, bower-flower, wreaths-breathes, played-made, measure-pleasure, Fan-can, air-there, sent-lament, plan-man എന്നിവ അവയ്ക്കുദാഹരണമാണ്.
കാവ്യഭംഗി അതിലുപയോഗിച്ചിരിക്കുന്ന ബിംബങ്ങള്‍ (images)ക്ക് ആധാരമായിട്ടാണ്. ഇവയില്‍ Visual, Auditory, Olfactory തുടങ്ങിയവ ഉള്‍പ്പെടുന്നു. കാണുന്ന പ്രതീതിയുണര്‍ത്തുന്ന വരികളാണ് visual images. “The birds around me hopped and played” ഇതിന് ഉദാഹരണമാണ്. കേള്‍ക്കുന്ന പ്രതീതി ഉണ്ടാക്കുന്ന വരികളാണ് Auditory images. “I heard a thousand blended notes” ഇതിന് ഉദാഹരണമാണ്. അതുപോലെ ഗന്ധമറിയിക്കുന്ന വരികളാണ് Olfactory images. “Every flower enjoys the air it breathes” എന്ന വരി ഈ വിഭാഗത്തില്‍പ്പെടുന്നു. കാവ്യാര്‍ത്ഥത്തിലും ആശയാര്‍ത്ഥത്തിലും ശോഭിക്കുന്നതാണ് വില്യം വേര്‍ഡ്സ്‌വര്‍ത്തിന്റെ ഈ കവിത. പ്രകൃതിയുടെ സൗന്ദര്യത്തേയും സന്തോഷത്തേയും അദ്ദേഹം ചുരുളഴിക്കുകയാണിവിടെ.
(അവസാനിച്ചു)
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.