സ്വാതന്ത്ര്യത്തിന്നാരവം
ചിറകടികളായ് ഉയരുമ്പോൾ,
വിധേയത്വത്തിന്നലമുറ അലയ്ക്കുന്നൂ താഴത്തെങ്ങും.
രക്തസാക്ഷികൾ തൻ ബന്ധങ്ങൾ ചിതറുന്നൂ,
ചുറ്റിലും കാതരവിലാപങ്ങൾ ചെവിയടപ്പിക്കുമ്പോൾ,
ഈ നാടിൻ സ്വാതന്ത്ര്യമേ..
നീയിന്നും വിദൂരമോ…?
സ്ത്രീധനവും മാനഭംഗവും
കാരണം ജീവനൊടുങ്ങുന്ന
നാരീജന്മങ്ങളുള്ള ഈ നാടിന് സ്വാതന്ത്യമേ …
നീ ദിവാസ്വപ്നമോ?
കളിചിരിയുമായ് നടക്കേണ്ട ശൈശവബാല്യങ്ങൾ
കയറിൻതുമ്പിൽത്തീരുന്നൊരീനാട്ടിൽ
സ്വാതന്ത്ര്യമേ…നീ പീഡിതർക്കന്യമോ?
പലതരമഴിമതികളരങ്ങു തകർക്കുന്ന,
പത്രസ്വാതന്ത്ര്യവും നീതിന്യായങ്ങളും
തടവിലാക്കപ്പെട്ടൊരീ നാട്ടിൽ,
സ്വാതന്ത്ര്യമേ..നീ വെറും പേരിനോ?
ദരിദ്രരും ദുഃഖിതരും നിരാലംബരും
നിലത്തിഴയുമ്പോൾ, നിരങ്ങിനീങ്ങുമ്പോൾ…
ഭാരതമേ… നീ സ്വാതന്ത്ര്യം കൊണ്ടെന്തുനേടീ?
പാറിപ്പറക്കുമാ പറവകളിലെങ്കിലും
‘സ്വാതന്ത്ര്യസ്പന്ദനം’ ജീവനായ് തുടിക്കട്ടെ,
ജീവിതം കൈവരിക്കട്ടെ!
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.