അടിമാലി: സിപിഐ ഇടുക്കി ജില്ലാ സെക്രട്ടറിയായി കെ സലിംകുമാറിനെ ജില്ലാ സമ്മേളനം തെരഞ്ഞെടുത്തു. തൊടുപുഴ ഉടുമ്പന്നൂർ സ്വദേശിയായ കെ സലിംകുമാർ സംസ്ഥാന കൗൺസില്‍, ജില്ലാ എക്സിക്യൂട്ടീവ്, എഐടിയുസി സംസ്ഥാന വർക്കിങ് കമ്മിറ്റി അംഗമാണ്. തൊടുപുഴ താലൂക്ക് ഷോപ്പ് എംപ്ലോയീസ് യൂണിയനിലൂടെയാണ് പൊതുപ്രവർത്തന രംഗത്തെത്തിയത്. എഐടിയുസി തൊടുപുഴ മണ്ഡലം സെക്രട്ടറി, ജില്ലാ വൈസ് പ്രസിഡന്റ്, ചെത്ത്-മദ്യ വ്യവസായ തൊഴിലാളി ഫെഡറേഷൻ, സപ്ലൈകോ വർക്കേഴ്സ് ഫെഡറേഷൻ, ചുമട്ടു തൊഴിലാളി ഫെഡറേഷൻ എന്നിവയുടെ സംസ്ഥാന സെക്രട്ടറി എന്നീ നിലകളിൽ പ്രവർത്തിച്ചു വരികയാണ്.
നാല് ദിവസമായി അടിമാലിയിൽ നടന്ന സമ്മേളനം 51 അംഗ ജില്ലാ കൗൺസിലിനെയും 27 അംഗ സംസ്ഥാന സമ്മേളന പ്രതിനിധികളെയും തെരഞ്ഞെടുത്തു. ജില്ലയിലെ ഭൂമിസംബന്ധമായ മുഴുവൻ പ്രശ്നങ്ങളും പരിഹരിയ്ക്കാൻ അടിയന്തര നടപടി ഉണ്ടാകണമെന്ന് ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു. കുറ്റിയാർവാലിയിൽ നൽകിയ വാസയോഗ്യമല്ലാത്ത ഭൂമിക്ക് പകരം ഭൂമി നൽകുക, അയ്യപ്പൻകോവിൽ, പൊൻമുടി, കല്ലാർകുട്ടി പദ്ധതി പ്രദേശങ്ങളിലെ കർഷകർക്ക് പട്ടയം നൽകുക, അന്തോണിയാർ കോളനി, കച്ചേരി സെറ്റിൽമെന്റുകളിലെ അനധികൃത കയ്യേറ്റം ഒഴിപ്പിക്കുക തുടങ്ങിയ ആവശ്യങ്ങളും സമ്മേളനം ഉന്നയിച്ചു.
English Summary: K Salim Kumar CPI Idukki District Secretary
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.