മധ്യപ്രദേശിലെ ഭോപ്പാലിൽ 78 കാരിയായ യാചക ബലാത്സംഗത്തിനിരയായി. കഴിഞ്ഞ മാസം ഹബീബ്ഗഞ്ച് പൊലീസ് സ്റ്റേഷൻ പരിധിയിൽ നടന്ന സംഭവത്തിൽ 37 കാരനായ പ്രതിയെ ശനിയാഴ്ച പൊലീസ് അറസ്റ്റ് ചെയ്തു. ബലാത്സംഗത്തിനിരയായ വയോധികയും പ്രതിയും തെരുവിൽ ഭിക്ഷ യാചിക്കുകയും ചെയ്യാറുണ്ടെന്നും പൊലീസ് പറഞ്ഞു. ക്ഷേത്രത്തിനടുത്തുള്ള ഒരു കുടിലിലാണ് വയോധിക താമസിച്ചിരുന്നത്. സമീപത്തെ ഫുട്പാത്തിലാണ് പ്രതി താമസിക്കുന്നത്.
ഒക്‌ടോബർ 26, 27 തീയതികളിലെ രാത്രിയിലാണ് പ്രതി വയോധികയെ ബലാത്സംഗം ചെയ്തത്. പരാതിയുടെ അടിസ്ഥാനത്തിൽ ഇയാൾക്കെതിരെ കേസെടുത്തതായി ഉദ്യോഗസ്ഥർ പറഞ്ഞു. മകനെപ്പോലെ കരുതിയയാളാണ് തന്നെ ബലാത്സംഗത്തിനിരയാക്കിയതെന്ന് വയോധിക പൊലീസിന് നല്‍കിയ പരാതിയില്‍ പറയുന്നു.
English Summary: A 78-year-old beggar was raped
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.