ഡൽഹി സ്വദേശിയായ യുവാവും വിദേശവനിതയും ഹരിയാനയിലെ റിസോർട്ടിൽ മരിച്ചനിലയിൽ. ഡല്‍ഹി അശോക് വിഹാർ സ്വദേശിയായ 26 വയസുകാരൻ ഹിമാൻഷു, ഉസ്‌ബെക്കിസ്താന്‍ സ്വദേശിയായ 32കാരി മഖ്‌ലിയോ എന്നിവരാണ് സോണിപത്തിലെ റിസോര്‍ട്ടില്‍ മരിച്ചനിലയില്‍ കണ്ടെത്തിയത്. ഇക്കഴിഞ്ഞ ഞായറാഴ്ച രാത്രിയോടെയാണ് ഇരുവരും ഹോട്ടലിൽ മുറിയെടുത്തത്. ഏറെനേരമായിട്ടും രണ്ടുപേരും പുറത്തേക്ക് കാണാത്തതിനാൽ ജീവനക്കാർക്ക് സംശയം തോന്നി. തിങ്കളാഴ്ച മുറിയിലെ ജനാല വഴി നോക്കിയപ്പോൾ രണ്ടുപേരും കട്ടിലിൽ കിടക്കുന്ന നിലയിലായിരുന്നു. ജീവനക്കർ പൊലീസിനെ വിവരമറിയിച്ചു.
മൃതദേഹങ്ങൾ അർധനഗ്നമായ നിലയിലായിരുന്നു. സംഭവത്തിൽ ഉസ്‌ബെക്കിസ്താന്‍ എംബസിയുമായി ബന്ധപ്പെടുകയും യുവതിയുടെ ബന്ധുക്കളെ വിവരമറിയിക്കാനും എംബസി അധികൃതരോട് നിര്‍ദേശിച്ചിട്ടുണ്ട്. യുവാവിനെക്കുറിച്ച് കൂടുതൽ വിവരങ്ങൾക്കായി ഡല്‍ഹി പൊലീസുമായി ബന്ധപ്പെട്ടിട്ടുണ്ടെന്നും, സംഭവത്തിൽ അന്വേഷണം നടക്കുകയാണെന്നും പൊലീസ് അറിയിച്ചു.
English Summary;A young man from Delhi and a foreign woman were found dead inside the resort
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.