12 April 2024, Friday

Related news

March 22, 2024
February 21, 2024
February 17, 2024
February 16, 2024
January 6, 2024
January 5, 2024
November 25, 2023
November 25, 2023
November 16, 2023
November 8, 2023

ദൗത്യം പൂര്‍ത്തിയാക്കിയ ഉപഗ്രഹം ഐഎസ്ആര്‍ഒ തിരിച്ചിറക്കി നശിപ്പിച്ചു

Janayugom Webdesk
ന്യൂഡല്‍ഹി
February 16, 2024 9:04 pm

ദൗത്യം പൂര്‍ത്തിയാക്കിയ കാര്‍ട്ടോസാറ്റ്-2 ഉപഗ്രഹം ബഹിരാകാശത്തുനിന്ന് തിരിച്ചിറക്കി ഐഎസ്ആര്‍ഒ സുരക്ഷിതമായി നശിപ്പിച്ചു. ഇന്ത്യയുടെ ഉയര്‍ന്ന റെസലൂഷന്‍ ഇമേജിങ് ഉപഗ്രഹങ്ങളുടെ രണ്ടാം തലമുറയിലെ ആദ്യത്തേതാണ് കാര്‍ട്ടോസാറ്റ്-2. ബുധനാഴ്ചയാണ് കാര്‍ട്ടോസാറ്റ്-2 നെ ഭൂമിയുടെ അന്തരീക്ഷത്തില്‍ തിരിച്ചെത്തിച്ച് നശിപ്പിച്ചത്. 680 കിലോഗ്രാമാണ് ഉപഗ്രഹത്തിന്റെ ഭാരം. നഗരാസൂത്രണത്തിനായി മികച്ച നിലവാരത്തിലുള്ള ചിത്രങ്ങള്‍ നല്‍കിക്കൊണ്ടിരുന്ന കാര്‍ട്ടോസാറ്റ്-2 ഉപഗ്രഹം 2019 വരെ പ്രവര്‍ത്തിച്ചിരുന്നു.

2007 ജനുവരി 10നായിരുന്നു വിക്ഷേപണം. 635 കിലോമീറ്റര്‍ ഉയരത്തിലായിരുന്ന ഉപഗ്രഹം ക്രമേണ ഭ്രമണപഥം താഴ്ത്തി സുരക്ഷിതമായി ഭൂമിയുടെ അന്തരീക്ഷത്തില്‍ തിരിച്ചെത്തിക്കുകയായിരുന്നു. 130 കിലോമീറ്റര്‍ ഉയരത്തിലെത്തിയ ഉപഗ്രഹം ഇന്ത്യന്‍ മഹാസമുദ്രത്തിനു മുകളില്‍വച്ചാണ് കത്തിനശിച്ചത്.
ഭ്രമണപഥം താഴ്ത്തുന്ന പ്രക്രിയയ്ക്ക് 30 വര്‍ഷത്തോളമെടുക്കുമെന്നാണ് ഐഎസ്ആര്‍ഒ പ്രതീക്ഷിച്ചിരുന്നത്. എന്നാല്‍ ഉപഗ്രഹത്തില്‍ അവശേഷിക്കുന്ന ഇന്ധനം ഉപയോഗപ്പെടുത്തി തിരിച്ചിറക്കം വേഗത്തില്‍ സാധ്യമാക്കുകയായിരുന്നു. ബഹിരാകാശ അവശിഷ്ടങ്ങള്‍ കുറയ്ക്കുന്നതിനുള്ള അന്താരാഷ്ട്ര മാര്‍ഗനിര്‍ദേശങ്ങള്‍ അനുസരിച്ചാണ് ഐഎസ്ആര്‍ഒയുടെ നീക്കം. 

Eng­lish Summary:After com­plet­ing the mis­sion, the satel­lite was brought back and destroyed by ISRO
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.