എസ് ഷാജഹാന്‍ കൊല്ലപ്പെട്ട കേസില്‍ നാലുപേര്‍ അറസ്റ്റ് രേഖപ്പെടുത്തിയെന്ന് പാലക്കാട് എസ്പി. ശബരീഷ് (30), അനീഷ് (29), നവീന്‍ (28), സുജീഷ് (27) എന്നിവരാണ് അറസ്റ്റിലായത്. മറ്റു പ്രതികള്‍ കസ്റ്റഡിയിലെന്നും, കേസില്‍ കൂടുതല്‍ പ്രതികളുണ്ടെന്നും എസ്പി ആര്‍ വിശ്വനാഥ് പറഞ്ഞു. ഷാജഹാനുമായി വിരോധമുണ്ടായിരുന്നെന്ന് പ്രതികള്‍ അന്വേഷണ സംഘത്തോട് സമ്മതിച്ചുവെന്നാണ് റിപ്പോര്‍ട്ട്. വീട്ടില്‍ നിന്ന് വടിവാള്‍ എത്തിച്ചാണ് പ്രതികള്‍ ഷാജഹാനെ ആക്രമിച്ചത്.
കേസില്‍ നിര്‍ണ്ണായകമായ സിസി ടിവി ദൃശ്യങ്ങള്‍ പൊലീസിന് ലഭിച്ചിട്ടുണ്ട്. കൊലപാതകത്തില്‍ ഗൂഡാലോചന സംശയിക്കുന്നതിനാല്‍ അക്കാര്യവും പൊലീസ് അന്വേഷിച്ചു വരികയാണ്. ഗണേശോത്സവവുമായി ബന്ധപ്പെട്ട് ബോര്‍ഡ് സ്ഥാപിക്കുന്നതില്‍ പ്രതികളും ഷാജഹാനുമായി തര്‍ക്കമുണ്ടായിരുന്നെന്നും എസ്പി ആര്‍ വിശ്വനാഥ് അറിയിച്ചു.
English summary; Assassination of ShaJahan; Four people were arrested
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.