മുൻ പ്രധാനമന്ത്രി ഇമ്രാൻ ഖാനെ വധിക്കാൻ ശ്രമിച്ച കേസിൽ എഫ്ഐആർ രജിസ്റ്റർ ചെയ്യുന്നതിന് പഞ്ചാബ് പൊലീസിന് നിര്ദ്ദേശം നല്കി പാകിസ്ഥാൻ സുപ്രീം കോടതി. പാകിസ്ഥാൻ ചീഫ് ജസ്റ്റിസ് (സിജെപി) ഉമർ അത്താ ബാൻഡിയൽ അധ്യക്ഷനായ ജസ്റ്റിസ് ഇജാസുൽ അഹ്സൻ, ജസ്റ്റിസ് മുനീബ് അക്തർ, ജസ്റ്റിസ് യഹ്യ അഫ്രീദി, ജസ്റ്റിസ് മസഹർ അക്ബർ നഖ്വി എന്നിവരടങ്ങിയ അഞ്ചംഗ ബെഞ്ചാണ് ഹർജി പരിഗണിച്ചത്. വ്യാഴാഴ്ച വസീറാബാദിൽ നടന്ന ലോംഗ് മാർച്ചിനിടെയാണ് ഇമ്രാൻ ഖാന്റെ കാലുകൾക്ക് വെടിയേറ്റത്.
അധികാര ദുർവിനിയോഗത്തിനും നിയമങ്ങളുടെയും ഭരണഘടനയുടെയും ലംഘനങ്ങൾക്കെതിരെ നടപടിയെടുക്കണമെന്ന് ആവശ്യപ്പെട്ട് തിങ്കളാഴ്ച രാവിലെ ഇമ്രാൻ ഖാൻ പ്രസിഡന്റ് ആരിഫ് അൽവിക്ക് കത്തെഴുതിയിരുന്നു. ഇസ്ലാമാബാദിലേക്കുള്ള പിടിഐയുടെ മാർച്ചിന് നേതൃത്വം നൽകുന്നതിനിടെയാണ് വസീറാബാദിൽ ഖാൻ ആക്രമണത്തിന് ഇരയായത്. വ്യാഴാഴ്ചയുണ്ടായ ആക്രമണത്തിൽ ഒരാൾ മരിക്കുകയും 13 പേർക്ക് പരിക്കേൽക്കുകയും ചെയ്തതായി ജിയോ ന്യൂസ് റിപ്പോർട്ട് ചെയ്തു.
English Summary: attack against Imran Khan: Pakistan Supreme Court directs FIR in the case
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.