മുഖ്യമന്ത്രി പിണറായി വിജയൻ രാവിലെ പത്തുമണിയോടെ ആശുപത്രികളിലും അപകട സ്ഥലത്തും സന്ദർശിക്കും. കരിപ്പൂരിൽ വിമാനമിറങ്ങി റോഡ് മാർഗമാണ് മുഖ്യമന്ത്രി അപകടസ്ഥലത്തേക്ക് വരുന്നത്. ആശുപത്രികളിലും അപകടസ്ഥലത്തും മുഖ്യമന്ത്രി സന്ദർശിക്കും. പിന്നീട് മന്ത്രി വി അബ്ദുറഹിമാന്റെ ക്യാമ്പ് ഓഫീസിൽ മറ്റുമന്ത്രിമാരുമായും ഉദ്യോഗസ്ഥരുമായും സ്ഥിതിഗതികൾ അവലോകനം ചെയ്യും.
മുഖ്യമന്ത്രിയുടെ നിർദ്ദേശപ്രകാരം മന്ത്രിമാരായ വി അബ്ദുറഹിമാൻ, മുഹമ്മദ് റിയാസ് എന്നിവരുടെ മേൽനോട്ടത്തിലാണ് രക്ഷാപ്രവർത്തനങ്ങൾ നടക്കുന്നത്. റവന്യുമന്ത്രി അഡ്വ. കെ രാജൻ, വനം മന്ത്രി എ കെ ശശീന്ദ്രനും മന്ത്രി അഹമ്മദ് ദേവർക്കോവിൽ എന്നിവർ രാത്രി മുതൽ ഇവിടെയുണ്ട്. പ്രതിപക്ഷനേതാവ് വി ഡി സതീശനും പരപ്പനങ്ങാടിയിലേക്ക് പുറപ്പെട്ടിട്ടുണ്ട്. ജില്ലയിലെയും സമീപ മണ്ഡലങ്ങളിലെയും ജനപ്രതിനിധികളും ഇവിടേക്ക് എത്തിക്കൊണ്ടിരിക്കുന്നു.
ബോട്ട് അപകടത്തിൽ മരണപ്പെട്ടവർക്കുള്ള ആദരസൂചകമായി സംസ്ഥാനത്ത് ഇന്ന് ഔദ്യോഗിക ദുഃഖാചരണമാണ്. സർക്കാർ ഔദ്യോഗിക പരിപാടികൾ മാറ്റിവച്ചിട്ടുണ്ട്. ഇന്ന് നടക്കേണ്ട താലുക്കുതല അദാലത്തുകൾ ഉൾപ്പെടെ സംസ്ഥാനത്തെ എല്ലാ സർക്കാർ ഔദ്യോഗിക പരിപാടികളും മാറ്റവച്ചിരിക്കുകയാണ്.
English Sammury: boat accident
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.