ഝാര്‍ഖണ്ഡില്‍ റോപ് വേയിലെ കേബിള്‍ കാറുകള്‍ കൂട്ടിയിടിച്ച്‌ മൂന്ന് പേര്‍ മരിച്ചു. നിരവധി പേര്‍ക്കു പരിക്കേറ്റു. രക്ഷാപ്രവര്‍ത്തനത്തിനിടെ ഹെലികോപ്റ്ററില്‍ നിന്ന് വീണാണ് ഒരാള്‍ മരിച്ചത്. ദേവ്ഘര്‍ ജില്ലയിലെ ബാബ വൈദ്യനാഥ് ക്ഷേത്രത്തിന് സമീപമുള്ള ത്രികൂട് മലമുകളിലെ റോപ് വേയിലാണ് അപകടം. 12 കാബിനുകളിലായി 48 പേരാണ് കുടുങ്ങിക്കിടന്നിരുന്നത്.
20 പേരെ രക്ഷപ്പെടുത്തി. ഞായറാഴ്ച വൈകുന്നേരം നാലരയോടെയാണ് സംഭവം. വ്യോമസേനയുടെ രണ്ടു മിഗ്-17 ഹെലികോപ്റ്റര്‍ ഉപയോഗിച്ച്‌ രക്ഷാപ്രവര്‍ത്തനം തുടരുകയാണ്. ദേശീയ ദുരന്തനിവാരണ സേനയും ഇന്‍ഡോ-ടിബറ്റന്‍ ബോര്‍ഡര്‍ പൊലീസും സ്ഥലത്തെത്തിയിട്ടുണ്ട്. അപകടം നടന്ന ഉടനെ താഴേക്ക് ചാടിയ ദമ്പതികള്‍ക്ക് ഗുരുതരമായി പരിക്കേറ്റു.
766 മീറ്റര്‍ നീളമുള്ള റോപ് വേ 392 മീറ്റര്‍ ഉയരത്തിലാണ്. സ്വകാര്യ സ്ഥാപനം നടത്തുന്ന റോപ് വേയില്‍ നാലുപേര്‍ക്ക് കയറാനാകുന്ന 25 കാബിനുകളുണ്ട്. ഇന്ത്യയിലെ ഏറ്റവും ഉയരം കൂടിയ ലംബമായ റോപ്‍വേയാണ് ത്രികൂടെന്ന് ഝാര്‍ഖണ്ഡ് ടൂറിസം വകുപ്പ് അവകാശപ്പെടുന്നു. അപകടത്തിനു പിന്നാലെ ഓപ്പറേറ്റര്‍മാര്‍ കടന്നുകളഞ്ഞു.
English summary;Cable car collision; Two died
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.