23 April 2024, Tuesday

Related news

March 27, 2024
March 20, 2024
February 13, 2024
October 6, 2023
October 6, 2023
September 16, 2023
September 14, 2023
July 2, 2023
June 23, 2023
June 22, 2023

സാമുദായിക സംഘർഷങ്ങള്‍; കരുക്കളായി മാറരുതെന്ന് മാധ്യമങ്ങളോട് എഡിറ്റേഴ്സ് ഗിൽഡ്

Janayugom Webdesk
ന്യൂഡൽഹി
April 19, 2022 10:31 pm

രാജ്യത്തിന്റെ വിവിധ ഭാഗങ്ങളിൽ നടക്കുന്ന സാമുദായിക സംഘർഷങ്ങൾ റിപ്പോർട്ട് ചെയ്യുമ്പോൾ പരമാവധി സംയമനം പാലിക്കണമെന്ന് എഡിറ്റേഴ്സ് ഗിൽഡ് ഓഫ് ഇന്ത്യ(ഇജിഐ). വിഭാഗീയത സൃഷ്ടിക്കാനുള്ള വലിയ കളിയിലെ കരുക്കളായി മാറരുതെന്നും മാധ്യമങ്ങളോട് എഡിറ്റേഴ്സ് ഗിൽഡ് ആവശ്യപ്പെട്ടു. ഇരു വിഭാഗങ്ങൾ തമ്മിലുള്ള സംഘർഷങ്ങളെ സംബന്ധിച്ചുള്ള വാർത്തകൾ പരിശോധിക്കുന്നതിലും അവതരിപ്പിക്കുന്നതിലും മാധ്യമങ്ങൾ ആവശ്യമായ ജാഗ്രത പുലർത്തുന്നില്ലെന്ന കാര്യം നിരാശാജനകമാണെന്ന് പ്രസ്താവനയിൽ അഭിപ്രായപ്പെട്ടു.

ഇലക്ട്രോണിക്, ഡിജിറ്റൽ, സോഷ്യൽ മീഡിയകളിൽ ഇത് പ്രകടമാണെന്നും ഇജിഐ ചൂണ്ടിക്കാട്ടി. അനുമാനങ്ങളിലെത്താൻ തിരക്കുകൂട്ടുന്നതും, കൃത്യമായ വിവരങ്ങളും സാഹചര്യങ്ങളും കണക്കിലെടുക്കാതെ ഏതെങ്കിലും സമുദായത്തിൽ ഉത്തരവാദിത്തം അടിച്ചേൽപ്പിക്കുന്നത് ദീർഘകാല പ്രത്യാഘാതങ്ങളുണ്ടാക്കുന്നതിനാൽ, അവ ഒഴിവാക്കണമെന്നും ഇജിഐ ആവശ്യപ്പെട്ടു. മധ്യപ്രദേശ്, കർണാടക, ഡൽഹി എന്നിവയുൾപ്പെടെ രാജ്യത്തിന്റെ വിവിധ ഭാഗങ്ങളിൽ നടന്ന വർഗീയ സംഘർഷങ്ങളുടെ പശ്ചാത്തലത്തിലാണ് പ്രസ്താവന.

Eng­lish summary;Communal con­flicts; The Edi­tors’ Guild told the media not to become cowards

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.