അലിഗഡില്‍ നിന്നുള്ള കോണ്‍ഗ്രസ് സ്ഥാനാര്‍ത്ഥി സല്മാന് ഇംതിയാസിന് ജില്ലയില്‍ തങ്ങുന്നതിനുള്ള അനുമതി വിലക്കി ജില്ലാ ഭരണകൂടം. ഇത് സംബന്ധിച്ച ഉത്തരവ് അധികൃതര്‍ സല്‍മാന്റെ വീടിനുമുന്നില്‍ പതിപ്പിച്ചു. വ്യാഴാഴ്ചയാണ് സല്മാന് നാമനിര്‍ദേശ പത്രിക സമര്‍പ്പിച്ചത്.
നഗരത്തിലെ ക്രമസമാധാനത്തിന് ഭീഷണിയായതിനാൽ ഗുണ്ടാ ആക്ട് പ്രകാരം കേസെടുത്തതിന്റെ അടിസ്ഥാനത്തിലാണ് നിരോധനം ഏർപ്പെടുത്തിയതെന്നാണ് അഡീഷണൽ ജില്ലാ മജിസ്‌ട്രേറ്റ് അറിയിച്ചത്. അലിഗഡ് മുസ്‍ലീം സർവകലാശാലയിലെ സിഎഎ വിരുദ്ധ പ്രക്ഷോഭത്തിന്റെ പശ്ചാത്തലത്തിൽ സര്‍വകാലശാല സ്റ്റുഡന്റ്സ് യൂണിയൻ മുൻ പ്രസിഡന്റായ സല്മാന് 2020 മാർച്ചിലും ജില്ലയില്‍ പ്രവേശനം വിലക്കിക്കൊണ്ട് ഭരണകൂടം ഉത്തരവിറക്കിയിരുന്നു.
ഉത്തരവിനെതിരെ ജില്ലാ ഭരണകൂടത്തിന് അപേക്ഷ നല്‍കിയിരുന്നതായും ഔദ്യോഗിക പ്രതികരണമൊന്നും ഉണ്ടായിട്ടില്ലെന്നും സല്മാന് പറഞ്ഞു. ഹരിദ്വാർ വിദ്വേഷ പ്രസംഗങ്ങൾക്കെതിരെ നടപടിയെടുക്കണമെന്ന് ആവശ്യപ്പെട്ട് ഈ മാസം ആദ്യം സല്മാന് രാഷ്ട്രപതിക്ക് കത്തയച്ചിരുന്നു.
english summary;Congress candidate barred from entering district
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.