2 March 2024, Saturday

Related news

February 28, 2024
February 27, 2024
February 25, 2024
February 8, 2024
January 30, 2024
January 24, 2024
January 23, 2024
January 20, 2024
January 16, 2024
January 14, 2024

കേരളത്തില്‍ എട്ട് ട്രെയിനുകള്‍ റദ്ദാക്കി

Janayugom Webdesk
തിരുവനന്തപുരം
November 14, 2023 8:40 pm

വരും ദിവസങ്ങളില്‍ സംസ്ഥാനത്ത് ട്രെയിന്‍ യാത്രക്കാര്‍ കൂടുതല്‍ ദുരിതത്തിലാകും. എട്ട് ട്രെയിനുകള്‍ പൂര്‍ണമായും നിരവധി ട്രെയിനുകള്‍ ഭാഗികമായും റദ്ദാക്കി. പുതുക്കാട് — ഇരിഞ്ഞാലക്കുട സെക്ഷനിൽ പാലം അറ്റകുറ്റപ്പണി നടക്കുന്നതിനാലാണ് നിയന്ത്രണമെന്ന് റെയില്‍വേ അറിയിച്ചു.

18ന് മംഗളൂരു — തിരുവനന്തപുരം മാവേലി എക്സ്പ്രസ് (16603), 19ന് തിരുവനന്തപുരം — മംഗളൂരു മാവേലി എക്സ്പ്രസ് (16604) എന്നിവ പൂര്‍ണമായും റദ്ദാക്കി. 19ന് ഷൊർണൂർ — എറണാകുളം മെമു (06017), 18ന് എറണാകുളം — ഷൊർണൂർ മെമു (06018), 18ന് എറണാകുളം — ഗുരുവായൂർ എക്സ്പ്രസ് (06448), 19ന് ഗുരുവായൂർ — എറണാകുളം എക്സ്പ്രസ് (06439), 19ന് എറണാകുളം — കോട്ടയം എക്സ്പ്രസ് (06453), 19ന് കോട്ടയം — എറണാകുളം എക്സ്പ്രസ് (06434) എന്നിവയും പൂര്‍ണമായും റദ്ദാക്കി.

12 ട്രെയിനുകളാണ് ഭാഗികമായി റദ്ദാക്കിയത്. 17ന് പുറപ്പെടുന്ന നിസാമുദ്ദീൻ — എറണാകുളം സൂപ്പർഫാസ്റ്റ് എക്സ്പ്രസ് (22656) ഷൊർണൂർ വരെ മാത്രമെ സര്‍വീസ് നടത്തൂ. അന്നേ ദിവസം തന്നെയുള്ള ചെന്നൈ എഗ്മോർ — ഗുരുവായൂർ എക്സ്പ്രസ് (16127) എറണാകുളം വരെ മാത്രം സര്‍വീസ് നടത്തും.

18നുള്ള ഗുരുവായൂർ — ചെന്നൈ എഗ്മോർ എക്സ്പ്രസ് (16128) എറണാകുളത്ത് നിന്ന് പുറപ്പെടും. 18ന് മംഗളൂരു — തിരുവനന്തപുരം മലബാർ എക്സ്പ്രസ് (16630) ഷൊർണൂർ വരെ മാത്രം സര്‍വീസ് നടത്തും. 19നുള്ള തിരുവനന്തപുരം — മംഗളൂരു മലബാർ എക്സ്പ്രസ് (16629) ഷൊർണൂറിൽ നിന്നാകും യാത്ര പുറപ്പെടുക.

17നുള്ള അജ്മിർ ജങ്ഷൻ — എറണാകുളം മരുസാഗർ എക്സ്പ്രസ് (12978) തൃശൂരിൽ യാത്ര അവസാനിപ്പിക്കും.
18നുള്ള തിരുവനന്തപുരം സെൻട്രൽ — ഗുരുവായൂർ ഇന്റർസിറ്റി എക്സ്പ്രസ് (16342) എറണാകുളം വരെ മാത്രമെ സര്‍വീസ് നടത്തൂ. 19നുള്ള ഗുരുവായൂർ — തിരുവനന്തപുരം സെൻട്രൽ ഇന്റർസിറ്റി എക്സ്പ്രസ് (16341) എറണാകുളത്ത് നിന്ന് സർവീസ് ആരംഭിക്കും. 18ന് കാരക്കൽ-എറണാകുളം എക്സ്പ്രസ് (16187) പാലക്കാട് യാത്ര അവസാനിപ്പിക്കും. 19-ാം തീയതിയിലെ ഗുരുവായൂർ — മധുര എക്സ്പ്രസ് (16328), 18നുള്ള മധുര ജങ്ഷൻ‑ഗുരുവായൂർ എക്സ്പ്രസ് (16327) എന്നിവ ആലുവയിൽ യാത്ര അവസാനിപ്പിക്കും. 19നുള്ള എറണാകുളം — കാരക്കൽ എക്സ്പ്രസ് (16188) പാലക്കാട് നിന്ന് സർവീസ് ആരംഭിക്കും.

Eng­lish Sum­ma­ry: Eight trains cancelled
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.