കഴിഞ്ഞ മൂന്നു ദശകത്തിനിടെ പതിനൊന്ന് വിഭാഗങ്ങളിൽപ്പെട്ട ഡ്രൈവിംഗ് ലൈസൻസുകൾ സ്വന്തമാക്കിയ കൊച്ചി തോപ്പുംപടി സ്വദേശി രാധാമണിയമ്മ (72) എന്ന ഡ്രൈവറമ്മ ദേശീയ ശ്രദ്ധയിലേക്ക്. ഹിസ്റ്ററി ടിവി18ലെ ഓമൈജി! യേ മേരാ ഇന്ത്യയുടെ ഒമ്പതാം സീസണിൽ നാളെ രാത്രി 8‑ന് സംപ്രേഷണം ചെയ്യുന്ന എപ്പിസോഡിലാണ് രാധമണിയമ്മയുടെ അവിശ്വസനീയമായ നേട്ടങ്ങൾ ദേശീയ, അന്തർദേശീയ തലത്തിലുള്ള പ്രേക്ഷകർക്കു മുന്നിലെത്താൻ പോകുന്നത്.
അസാധാരണമായ കാര്യങ്ങൾ ചെയ്യുന്ന സാധാരണക്കാരുടെ അവിശ്വസനീയവും പ്രചോദനാത്മകവുമായ യഥാർത്ഥ കഥകൾ അവതരിപ്പിക്കുന്ന പരമ്പരയാണ് ഹിസ്റ്ററി ടിവി18ലെ ഓമൈജി! യേ മേരാ ഇന്ത്യ. 11 വിഭാഗങ്ങളിലും പെട്ട ഡ്രൈവിങ് ലൈസൻസുകളുള്ള ഇന്ത്യയിലെ ഏകവനിത എന്ന നേട്ടമാണ് രാധാമണിയെ വ്യത്യസ്തയാക്കുന്നത്.
എക്സ്കവേറ്ററുകൾ, ബുൾഡോസറുകൾ, ക്രെയിനുകൾ, റോഡ് റോളറുകൾ എന്നിവയുൾപ്പെടുന്ന മിക്കവാറും എല്ലാത്തരം വാഹനങ്ങളും ഓടിക്കുന്നതിനുള്ള ലൈസൻസാണ് ഈ പ്രായത്തിനിടെ രാധാമണിയമ്മ സ്വന്തമാക്കിയിരിക്കുന്നത്. 1988ലായിരുന്നു ഭർത്താവിന്റെ പിന്തുണയോടെ തന്റെ ഈ താല്പര്യത്തിനു പിന്നാലെയുള്ള രാധാമണിയമ്മയുടെ യാത്ര ആരംഭിക്കുന്നത്. ഇന്ന് അപകടകരമായ വസ്തുക്കൾ ട്രാൻസ്പോർട്ട് ചെയ്യുന്നതിനുള്ള ലൈസൻസ് വരെ എത്തിനിൽക്കുന്നു ആ നേട്ടം.
English Summary:From scooters to bulldozers; Everything depends on the driver
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.