കഴിഞ്ഞ ദിവസം അന്തരിച്ച കശ്മീര് വിഘടനവാദി ഗീലാനിയുടെ മൃതദേഹം പാകിസ്ഥാന് പതാകയില് പൊതിഞ്ഞ സംഭവത്തില് ജമ്മു കശ്മീര് പൊലീസ് യുഎപിഎ നിയമപ്രകാരം എഫ്ഐആര് രജിസ്റ്റര് ചെയ്തു. സംഭവത്തിന്റെ വീഡിയോ കഴിഞ്ഞ ദിവസം പുറത്തുവന്നിരുന്നു. ബുധനാഴ്ച രാത്രിയാണ് ശ്രീനഗറിലെ വസതിയില് വെച്ച് 92കാരനായ ഗീലാനി മരണപ്പെട്ടത്.
അനിഷ്ട സംഭവങ്ങള് ഒഴിവാക്കുന്നതിനായി പൊലീസ് മേഖലയില് നിയന്ത്രണങ്ങള് ഏര്പ്പെടുത്തിയിരുന്നു. ആള്ക്കൂട്ടം ഒഴിവാക്കുന്നതിനുള്ള ക്രമീകരണങ്ങളും പൊലീസ് ഏര്പ്പെടുത്തി. ഫോണും ഇന്റര്നെറ്റും ഉള്പ്പെടെ നിര്ത്തലാക്കിയിരുന്നു. വെള്ളിയാഴ്ച രാത്രിയോടെ ഫോണ്, ബ്രോഡ്ബാന്ഡ് ഇന്റര്നെറ്റ് സൗകര്യങ്ങള് പുനഃസ്ഥാപിച്ചതിനെത്തുടര്ന്നാണ് നവമാധ്യമങ്ങളില് വീഡിയോ വ്യാപകമായി പ്രചരിച്ചത്. ഇവിടെ മൊബൈല് ഫോണ് ഇന്റര്നെറ്റ് സൗകര്യം ഇപ്പോഴും പുനഃസ്ഥാപിച്ചിട്ടില്ല.
വ്യാഴാഴ്ച രാവിലെ ഗീലാനിയുടെ മൃതദേഹം സംസ്കരിക്കുന്ന സമയത്ത് ഒരു സംഘം ആളുകള് രാജ്യവിരുദ്ധ മുദ്രാവാക്യങ്ങള് മുഴക്കുകയും പൊലീസുമായി തര്ക്കത്തിലേര്പ്പെടുകയും ചെയ്തിരുന്നുവെന്ന് ജമ്മു കശ്മീര് പൊലീസ് ചീഫ് ദില്ബാഗ് സിങ് ആരോപിച്ചിരുന്നു. അതേസമയം, പൊലീസ് ബലമായി മൃതദേഹം സംസ്കരിക്കുകയായിരുന്നുവെന്ന് ഗീലാനിയുടെ മകന് ആരോപിച്ചു. തങ്ങളെ ആരെയും സംസ്കാരചടങ്ങില് പങ്കെടുക്കാന് പോലും പൊലീസ് സമ്മതിച്ചില്ലെന്നും മകന് ആരോപിച്ചു. എന്നാല് ഗീലാനിയുടെ ബന്ധുക്കള് സംസ്കാരചടങ്ങില് പങ്കെടുത്തിരുന്നുവെന്ന് പൊലീസ് വ്യക്തമാക്കി.
ENGLISH SUMMARY:Geelani’s body wrapped in Pakistani flag; The Jammu and Kashmir Police registered an FIR under the UAPA Act
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.