ഫേസ്ബുക്കില്‍ വിദ്വേഷ പ്രചരണം വര്‍ധിക്കുന്നുവെന്ന് റിപ്പോര്‍ട്ട്. ഏപ്രില്‍ മാസത്തില്‍ 37.82 ശതമാനം വര്‍ധനവ് വിദ്വേഷ ഉള്ളടക്കങ്ങളിലുണ്ടായെന്ന് ഫേസ്ബുക്കിന്റെ മാതൃകമ്പനിയായ മെറ്റയുടെ റിപ്പോര്‍ട്ട് വ്യക്തമാക്കുന്നു. അക്രമസംഭവങ്ങളുടെ ദൃശ്യങ്ങളും വീഡിയോകളും അക്രമത്തിന് പ്രേരിപ്പിക്കുന്ന ഉള്ളടക്കങ്ങളും ഇന്‍സ്റ്റഗ്രാമില്‍ വര്‍ധിച്ചുവെന്നും റിപ്പോര്‍ട്ട് വെളിവാക്കുന്നു. 86 ശതമാനം വര്‍ധനവാണ് ഇത്തരത്തിലുള്ള ഉള്ളടക്കങ്ങളില്‍ ഉണ്ടായിട്ടുള്ളത്.
ഏപ്രില്‍ മാസത്തില്‍ 53,200 വിദ്വേഷ ഉള്ളടക്കങ്ങള്‍ ഫേസ്ബുക്ക് കണ്ടെത്തിയെന്നാണ് റിപ്പോര്‍ട്ട്. മാര്‍ച്ച് മാസത്തില്‍ ഇത് 38,600 ആയിരുന്നു. ഇന്‍സ്റ്റഗ്രാമില്‍ മാര്‍ച്ച് മാസത്തിലെ 41,300ല്‍ നിന്ന് ഏപ്രില്‍ മാസമാകുമ്പോള്‍ ഹിംസാത്മകമായ ഉള്ളടക്കങ്ങള്‍ 77,000 ആയി വര്‍ധിച്ചു.
റിപ്പോര്‍ട്ടിലുള്ള വിദ്വേഷ, ഹിംസാത്മക ഉള്ളടക്കങ്ങളില്‍ ഭൂരിപക്ഷവും സമൂഹ മാധ്യമ പ്ലാറ്റ്ഫോമുകള്‍ തന്നെ കണ്ടെത്തിയവയാണ്.
പോസ്റ്റുകള്‍, ഫോട്ടോകള്‍, വീഡിയോകള്‍, കമന്റുകള്‍ എന്നിങ്ങനെയുള്ള ഉള്ളടക്കങ്ങളില്‍ അതത് പ്ലാറ്റ് ഫോമുകള്‍ നിശ്ചയിച്ച മാനദണ്ഡങ്ങള്‍ക്ക് വിരുദ്ധമായവ കണ്ടെത്തുകയാണ് ചെയ്യുക. ഇത്തരത്തിലുള്ള ഉള്ളടക്കങ്ങള്‍ എടുത്തുകളയുകയോ, മറച്ചുവയ്ക്കുകയോ ചെയ്തുവെന്നും മെറ്റ റിപ്പോര്‍ട്ടില്‍ വ്യക്തമാക്കി.
English summary;Hate speech is on the rise; 37.82 percent increase on Facebook
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.