ലഖ്നൗ: ഉത്തർപ്രദേശില്‍ കനത്ത മഴയ്ക്കുപിന്നാലെയുണ്ടായ ഇടിമിന്നലിലും വിവിധ അപകടങ്ങളിലും പത്തുപേർ മരിച്ചു. ഇറ്റാവയില്‍ ഏഴ് പേർ മരിക്കുകയും 11 പേര്‍ക്ക് പരിക്കേല്‍ക്കുകയും ചെയ്തു. ഇവിടെ മരിച്ച ഏഴുപേരിൽ ഒരു കുടുംബത്തിലെ നാല് കുട്ടികളും ഉൾപ്പെടുന്നു. ഇറ്റാവയ്ക്ക് പുറമെ ഫിറോസാബാദില്‍ രണ്ട്, ബൽറാംപൂർ ഒന്ന് എന്നിങ്ങനെ മരണങ്ങള്‍ രേഖപ്പെടുത്തി. മഴ വര്‍ധിച്ച സാഹചര്യത്തില്‍ അലിഗഡിലെ സ്‌കൂളുകൾ അടച്ചുപൂട്ടി. ഇന്ത്യൻ കാലാവസ്ഥാ വകുപ്പിന്റെ കണക്കനുസരിച്ച്, പടിഞ്ഞാറൻ ഉത്തർപ്രദേശിലെ മിക്ക സ്ഥലങ്ങളിലും ബുധനാഴ്ച രാവിലെ മുതൽ മഴയോ ഇടിമിന്നലോ രേഖപ്പെടുത്തിയിട്ടുണ്ട്. വ്യാഴാഴ്ച രാവിലെ 8.30 വരെയുള്ള 24 മണിക്കൂറിനുള്ളിൽ 140 മില്ലിമീറ്റർ മഴയാണ് ഇറ്റാവ ഒബ്സർവേറ്ററി രേഖപ്പെടുത്തിയത്. ആഗ്രയിലും മഴ റിപ്പോർട്ട് ചെയ്തിട്ടുണ്ട്. ബുധനാഴ്ച രാത്രി ഏറെ വൈകിയാണ് മഴയുണ്ടായത്.
അലിഗഢിൽ, കഴിഞ്ഞ മൂന്ന് ദിവസമായി പെയ്യുന്ന കനത്ത മഴയിൽ നഗരത്തിലെയും ഗ്രാമങ്ങളിലെയും താഴ്ന്ന പ്രദേശങ്ങളിൽ വെള്ളക്കെട്ടുണ്ടായി, ഇത് ജില്ലയിലെ സാധാരണ ജീവിതത്തെ ബാധിച്ചു. എല്ലാ സർക്കാർ, സ്വകാര്യ സ്‌കൂളുകളും ശനിയാഴ്ച വരെ അടച്ചിടാൻ ജില്ലാ മജിസ്‌ട്രേറ്റ് ഇന്ദർ വീർ സിംഗ് ഉത്തരവിട്ടതായി ഔദ്യോഗിക അറിയിപ്പിൽ പറയുന്നു.
English Summary: Heavy rains in Uttar Pradesh: 10 dead, holiday announced for schools
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.