ന്യൂഡല്‍ഹി
November 16, 2023 11:00 pm
15 സിഗരറ്റുകള്‍ ഒരുമിച്ച് പുകയ്ക്കുന്ന അത്രയും മാരകമാണ് ഏകാന്തത എന്ന് ലോകാരോഗ്യ സംഘടന. മാനസിക പ്രശ്നങ്ങള്‍ക്കു പുറമെ ശാരീരിക പ്രശ്നങ്ങളും ഇതിന്റെ ഭാഗമായി അനുഭവിക്കേണ്ടി വരുമെന്നും ഡബ്ല്യുഎച്ച്ഒ വ്യക്തമാക്കുന്നു.
വിഷാദം, ആശങ്ക, ആത്മഹത്യാ പ്രവണത തുടങ്ങിയ മാനസിക പ്രശ്നങ്ങളും ഹൃദയാഘാതം, പക്ഷാഘാതം, ബുദ്ധിഭ്രംശം, അകാല മരണം എന്നിവയും ഉണ്ടായേക്കാമെന്നാണ് കണ്ടെത്തിയിട്ടുള്ളത്. ഏകാന്തത ആഗോള വെല്ലുവിളിയായി തിരിച്ചറിഞ്ഞ് ഇതിനെ അഭിസംബോധന ചെയ്യുന്നതിന് നിരവധി പദ്ധതികളും ഡബ്ല്യുഎച്ച്ഒ വിഭാവനം ചെയ്തിട്ടുണ്ട്.
15 സിഗരറ്റുകള്‍ ഒരുമിച്ച് വലിക്കുക, പൊണ്ണത്തടി, വ്യായാമമില്ലായ്മ എന്നിവ ഉണ്ടാക്കുന്നതിനെക്കാളും പ്രശ്നങ്ങള്‍ സൃഷ്ടിക്കാൻ ഏകാന്തതയ്ക്കാകും. സമൂഹവുമായി ബന്ധമില്ലാതെ നില്‍ക്കുകയും ഇതിലൂടെ പ്രവര്‍ത്തനക്ഷമത, ഉല്പാദനക്ഷമത എന്നിവ കുറയുകയും ചെയ്യുന്നതായി ലോകാരോഗ്യ സംഘടനയുടെ ‘അവര്‍ എപിഡെമിക് ഓഫ് ലോണ്‍ലിനസ് ആന്റ് ഐസൊലേഷൻ’ റിപ്പോര്‍ട്ടില്‍ പറയുന്നു.
English Summary: Loneliness as dangerous as smoking
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.