മഹാരാഷ്ട്രയിലെ സാംഗ്ലിയിൽ നടത്തിയ റെയ്ഡിൽ 300 കോടി രൂപ വിലമതിക്കുന്ന നിരോധിത മയക്കുമരുന്നായ മെഫെഡ്രോൺ പിടികൂടിയതായി അധികൃതർ അറിയിച്ചു.
കുപ്‌വാഡ് എംഐഡിസി ഏരിയയിലെ ഒരു കമ്പനിയിൽ നടത്തിയ റെയ്ഡിലാണ് 140 കിലോഗ്രാം മെഫെഡ്രോൺ പിടികൂടിയത്. മയക്കുമരുന്ന് സംഘത്തിൽ ഉൾപ്പെട്ട മൂന്ന് പേരെ അറസ്റ്റ് ചെയ്തതായി ഉദ്യോഗസ്ഥർ പറഞ്ഞു. രാജ്യത്തിൻ്റെ വിവിധ ഭാഗങ്ങളിൽ പൂനെ പോലീസ് നടത്തിയ റെയ്ഡുകളിൽ ഇതുവരെ 3,700 കോടി രൂപയുടെ മയക്കുമരുന്ന് കണ്ടെടുത്തു. ബുധനാഴ്ച രാവിലെ, പൂനെയിലും ഡൽഹിയിലുമായി നടത്തിയ റെയ്ഡുകളിൽ 2,500 കോടിയിലധികം മൂല്യമുള്ള 1,100 കിലോഗ്രാം മെഫെഡ്രോൺ കണ്ടെത്തിയതായി പോലീസ് പറഞ്ഞു.
700 കിലോഗ്രാം മെഫെഡ്രോണോടെ പൂനെയിൽ മൂന്ന് മയക്കുമരുന്ന് കടത്തുകാരെ അറസ്റ്റ് ചെയ്തതോടെയാണ് ഓപ്പറേഷൻ ആരംഭിച്ചത്. ഇവരെ ചോദ്യം ചെയ്തതിനുപിന്നാലെ ഡൽഹിയിലെ ഹൗസ് ഖാസ് പ്രദേശത്തെ ഗോഡൗണില്‍ നിന്ന് 400 കിലോ സിന്തറ്റിക് ഉത്തേജക മരുന്നും കണ്ടുകെട്ടി. മെഫെഡ്രോണിൻ്റെ മറ്റൊരു വലിയ ശേഖരം പൂനെയിൽ,കുർക്കുംഭ് എംഐഡിസി പ്രദേശത്ത് സൂക്ഷിച്ചിരുന്നുവെന്നും പൊലീസ് പറഞ്ഞു.
English Summary: Maharashtra Big Drug Hunt: ‘Meow Meow’ drug worth Rs 3,700 crore seized
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.