മൗനം എനിക്ക് ഇഷ്ടമായിരുന്നു
അതിനുള്ളിലെ ധ്യാനത്തിന്റെ
ധൂപസുഗന്ധം
നിശബ്ദസംഗീതം
പ്രാർത്ഥനാദീപ്തി
പ്രതിരോധവീര്യം
തീരാത്ത സ്വയംതേടലും
നിന്റെ മൗനത്തിൽ നിന്നും
ഒരു കുറുക്കൻവാൽ
പുറത്തേക്കു നീണ്ടുകിടക്കുന്നത്
കണ്ണിൽപ്പെടും വരെ
ഒരു കഠാരയുടെ വായ്ത്തലത്തിളക്കം
മിന്നിമായും വരെ
പുകമഞ്ഞിൽ ഡ്രാക്കുളക്കോട്ട
പടുതി കാട്ടുംവരെ
നിന്റെ മൗനത്തിനുള്ളിൽ നിന്നും
പൂതലിച്ച ഏതോ പ്രേതാത്മാവിന്റെ
ജീർണ്ണഗന്ധം
ബോധം കെടുത്തുംവരെ
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.