January 29, 2023 Sunday

Related news

January 28, 2023
January 28, 2023
January 27, 2023
January 25, 2023
January 22, 2023
January 22, 2023
January 20, 2023
January 19, 2023
January 18, 2023
January 18, 2023

ഭരണഘടനാ സ്ഥാപനങ്ങളെയും മോഡി സ്വകാര്യവല്‍ക്കരിക്കും: അമർജീത് കൗർ

Janayugom Webdesk
കൊച്ചി
December 7, 2022 10:45 pm

ഭരണഘടനാ സ്ഥാപനങ്ങളെ പോലും സ്വകാര്യവൽക്കരിക്കാനുള്ള നീക്കമാണ് നരേന്ദ്രമോഡി സർക്കാർ നടത്തുന്നതെന്ന് എഐടിയുസി ജനറൽ സെക്രട്ടറി അമർജീത് കൗർ പറഞ്ഞു. സിഐഎസ്എഫ് പോലുള്ള സേനാവിഭാഗങ്ങൾ സർക്കാരിനുകീഴിൽ ആവശ്യമില്ലെന്ന് കേന്ദ്ര ആഭ്യന്തര മന്ത്രി പറയുന്നു. അഗ്നിവീർ പദ്ധതിയിലൂടെ സേനാവിഭാഗങ്ങളിൽ കരാർ തൊഴിലിന് തുടക്കം കുറിച്ച് കഴിഞ്ഞു. എറണാകുളം പ്രസ് ക്ലബ്ബിൽ വാർത്താ സമ്മേളനത്തിൽ സംസാരിക്കുകയായിരുന്നു അവർ.

തൊഴിലാളികളും ട്രേഡ് യൂണിയൻ സംഘടനകളും ഇത്തരം നയങ്ങൾക്കെതിരാണ്. ഭരണഘടനയും അടിസ്ഥാന മൂല്യങ്ങളും സംരക്ഷിക്കുന്നതുൾപ്പെടെയുള്ള വിഷയങ്ങളിൽ തൊഴിലാളി സംഘടനകൾ ഒരുമിച്ചുമുന്നോട്ടുപോകും. തൊഴിൽ നിയമ പരിധിയിൽ നിന്ന് 70 ശതമാനം തൊഴിലാളികൾ പുറത്തുപോകുന്ന സവിശേഷ സാഹചര്യമാണ് ഇപ്പോൾ ഉരുത്തിരിയുന്നത്, ആ സാഹചര്യത്തിലാണ് എഐടിയുസിയുടെ നാല്പത്തിരണ്ടാമത് ദേശീയ സമ്മേളനം ആലപ്പുഴയിൽ നടക്കുന്നതെന്ന് അമർജീത് കൗർ പറഞ്ഞു.
എഐടിയുസി സംസ്ഥാന ജനറൽ സെക്രട്ടറി കെ പി രാജേന്ദ്രൻ, വൈസ് പ്രസിഡണ്ട് പി രാജു, സംസ്ഥാന സെക്രട്ടറി എലിസബത്ത് അസീസി, ജില്ലാ സെക്രട്ടറി കെ എൻ ഗോപി എന്നിവരും വാർത്താസമ്മേളനത്തിൽ പങ്കെടുത്തു.

Eng­lish Sum­ma­ry: Modi will pri­va­tize con­sti­tu­tion­al insti­tu­tions too: Amar­jeet Kaur

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.