നവയുഗം സാംസ്ക്കാരികവേദി വായനവേദി കേന്ദ്രകമ്മിറ്റി ഏർപ്പെടുത്തിയ മലയാള സാഹിത്യ പുരസ്‌ക്കാരത്തിന് എഴുത്തുകാരിൽ നിന്നും സൃഷ്ടികൾ ക്ഷണിച്ചു.
ചെറുകഥ, കവിത എന്നീ മേഖലകളിലാണ് പുരസ്‌ക്കാരങ്ങൾ ഏർപ്പെടുത്തിയിരിയ്ക്കുന്നത്.
മത്സരത്തിന് പ്രായപരിധിയോ, വിഷയപരിധിയോ, ദേശപരിധിയോ ഇല്ല. ഒരാൾ ഒരു സൃഷ്ടി മാത്രമേ അയയ്ക്കാവൂ. സൃഷ്ടികൾ മൗലികവും, മറ്റൊരിടത്തും പ്രസിദ്ധീകരിയ്ക്കാത്തതും ആകണം.
കഥ പത്തു ഫുൾസ്‌കേപ്പ് പേജിലും, കവിത മൂന്ന് ഫുൾസ്‌കേപ്പ് പേജിലും കവിയരുത്. പേജിന്റെ ഒരു പുറത്ത് മാത്രമേ എഴുതാവൂ. സൃഷ്ടികൾക്ക് പുറമെ സൃഷ്ടാവിന്റെ പേരും, അഡ്രസ്സും, ഒരു പാസ്സ്പോർട്ട് സൈസ് ഫോട്ടോയും, ചെറിയ സ്വയം പരിചയപ്പെടുത്തൽ വിവരണവും പ്രത്യേകം അയയ്ക്കണം.
മത്സരത്തിൽ പങ്കെടുക്കാൻ ആഗ്രഹിക്കുന്നവർ സാഹിത്യസൃഷ്ടികൾ 2022 ഒക്ടോബർ 31 തിയതിക്ക് മുൻപായി navayugamreadersforum@gmail.com എന്ന ഇമെയിൽ വിലാസത്തിൽ അയച്ചു തരികയോ, നവയുഗം വായനവേദി ഭാരവാഹികളെ നേരിട്ട് എൽപ്പിയ്ക്കുകയോ ചെയ്യാം.
രണ്ടു വിഭാഗത്തിലും ഒന്നാം സമ്മാനം നേടുന്ന രചനയ്ക്ക് പതിനായിരം രൂപയും, രണ്ടാം സ്ഥാനം നേടുന്ന രചനയ്ക്ക് അയ്യായിരം രൂപയും ക്യാഷ് പ്രൈസും, ഫലകവും സമ്മാനമായി നൽകുന്നതാണ്.മലയാള സാഹിത്യത്തിലെ പ്രമുഖർ അടങ്ങിയ ജഡ്ജിങ് പാനൽ ആകും പുരസ്‌ക്കാരജേതാക്കളെ നിർണ്ണയിക്കുക.
കൂടുതല് വിവരങ്ങള്ക്കായി 0501472139, 0548869421, 0537521890 എന്നീ നമ്പരുകളിൽ ബന്ധപ്പെടാവുന്നതാണെന്ന് വായനവേദി പ്രസിഡന്റ് ഷീബ സാജനും, സെക്രട്ടറി ജാബിർ ഇബ്രാഹിമും അറിയിച്ചു.
English Summary: Navayugm Sahithyapuraskaram;works invited
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.