നവയുഗം സാംസ്ക്കാരികവേദിയുടെ ആഭിമുഖ്യത്തിൽ അൽഹസ്സയിലെ ഷുക്കേക്ക്, സനയ്യ യൂണിറ്റുകളിൽ പ്രവാസികൾക്കായി നോർക്ക, പ്രവാസി ക്ഷേമനിധി രജിസ്ടേഷൻ ക്യാമ്പ് സംഘടിപ്പിച്ചു. നവയുഗം ഷുക്കേക്ക്, സനയ്യ യൂണീറ്റ് ഭാരവാഹികൾ നേതൃത്വം നൽകിയ ക്യാമ്പിൽ നിരവധി പ്രവാസികൾക്ക് നോർക്ക ഐഡി കാർഡ്, പ്രവാസി ഇൻഷുറൻസ്, പ്രവാസി ക്ഷേമനിധി പെൻഷൻ എന്നിങ്ങനെ വിവിധ സേവനങ്ങളിൽ അപേക്ഷിയ്ക്കാൻ അവസരം ലഭിച്ചു.
നവയുഗം ഷുക്കേക്ക് യൂണിറ്റിൽ നടന്ന ക്യാമ്പിന് യൂണീറ്റ് സെക്രട്ടറി ബക്കർ, യൂണീറ്റ് പ്രസിഡന്റ് സുന്ദരേശൻ, യൂണീറ്റ് ട്രഷറർ ഷിബു താഹിർ, സുരേഷ് മടവൂർ, ഹനീഫാ , സുധീർ, പ്രഭാകരൻ എന്നിവർ നേതൃത്വം നൽകി. നവയുഗം അൽഹസ്സ മേഖല സെക്രട്ടറി ഉണ്ണിമാധവം പങ്കെടുത്തു.
നവയുഗം അൽഹസ സനയ്യാ യൂണീറ്റിൽ നോർക്ക, പ്രവാസി ക്ഷേമനിധി രജിസ്ടേഷൻ ക്യാമ്പ് അൽഹസ്സ മേഖല രക്ഷാധികാരി സഖാവ് സുശീൽ കുമാറിൻ്റെയും, സനയ്യ യൂണീറ്റ് സെക്രട്ടറി സഖാവ് വേലൂരാജൻ്റെയും നേതൃത്വത്തിൽ നടന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.