വനിതാ ഏകദിന ലോകകപ്പില്‍ വെസ്റ്റിന്‍ഡീസിനെതിരെ പാകിസ്ഥാന് വിജയം. ലോകകപ്പില്‍ 13 വര്‍ഷത്തിന് ശേഷമുള്ള പാകിസ്ഥാന്റെ ആദ്യ ജയമായിരുന്നു ഇത്. മഴ പലതവണ തടസപ്പെടുത്തി കളിയില്‍ വെസ്റ്റിന്‍ഡീസിനെ 20 ഓവറില്‍ 89 റണ്‍സിലൊതുക്കിയ പാകിസ്ഥാന് ഏഴ് പന്ത് ബാക്കി നില്‍ക്കെ രണ്ട് വിക്കറ്റ് നഷ്ടത്തില്‍ ലക്ഷ്യത്തിലെത്തി.
37 റണ്‍സ് നേടിയ മുനീബ അലി പാകിസ്ഥാന്റെ ടോപ് സ്കോറര്‍ ആയപ്പോള്‍ ബിസ്മ മാറൂഫ്(22*), ഒമൈമ സൊഹൈല്‍(20*) എന്നിവരാണ് മറ്റു പ്രധാന സ്കോറര്‍മാര്‍. ഇതോടെ സെമിയിലെത്താന്‍ വെസ്റ്റിന്‍ഡീസിന് ദക്ഷിണാഫ്രിക്കയ്ക്കെതിരെയുള്ള അവസാന മത്സരം വലിയ മാര്‍ജിനില്‍ വിജയിക്കേണ്ട സ്ഥിതിയിലാണ്.
2009നുശേഷം ആദ്യമായാണ് പാകിസ്ഥാന് വനിതാ ഏകദിന ലോകകപ്പില്‍ ഒരു മത്സരം ജയിക്കുന്നത്. 2009 മാര്‍ച്ച് 14ന് സിഡ്നിയില്‍ വെസ്റ്റിന്‍ഡീസിനെതിരെ തന്നെയായിരുന്നു പാകിസ്ഥാന് ഇതിന് മുമ്പ് ജയിച്ചത്. പിന്നീട് 2009, 2013, 2017, 2022 ലോകകപ്പുകളിലായി 18 മത്സരങ്ങളില്‍ കളിച്ച പാകിസ്ഥാന് 18 എണ്ണത്തിലും തോറ്റിരുന്നു.
ENGLISH SUMMARY; Pakistan win in Women’s World Cup after 13 years
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.