October 2, 2022 Sunday

Related news

August 29, 2022
July 6, 2022
June 13, 2022
June 2, 2022
April 16, 2022
November 11, 2021
July 7, 2021
June 25, 2021
June 25, 2021
May 27, 2021

പ്രവാചകനിന്ദയ്ക്കെതിരെ പ്രതിഷേധം; അറസ്റ്റിലായവര്‍ക്ക് യുപി പൊലീസിന്റെ ക്രൂരമര്‍ദനം

Janayugom Webdesk
June 13, 2022 9:23 am

പ്രവാചകനിന്ദയ്ക്കെതിരെ പ്രതിഷേധിച്ചതിന് അറസ്റ്റിലായവര്‍ക്ക് യുപി പൊലീസിന്റെ ക്രൂരമര്‍ദനം. പൊലീസ് സ്റ്റേഷനില്‍വച്ച് ഒമ്പത് യുവാക്കളെ വലിയ ദണ്ഡുപയോഗിച്ച് പൊലീസുകാര്‍ മാറി മാറി മര്‍ദിക്കുന്ന ദൃശ്യങ്ങള്‍ പുറത്തുവന്നു. ‘കലാപകാരികള്‍ക്കുള്ള സമ്മാനം’ എന്ന കുറിപ്പോടെ കസ്റ്റഡി മര്‍ദനത്തിന്റെ ദൃശ്യങ്ങള്‍ ബിജെപി എംഎല്‍എ ശലഭ്മണി ത്രിപാഠി ട്വിറ്ററില്‍ പങ്കുവച്ചു. സഹാറന്‍പുരിലെ സ്റ്റേഷനിലാണ് ക്രൂരപീഡനം അരങ്ങേറിയതെന്നാണ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തത്.

എട്ട് ജില്ലയില്‍നിന്നായി 304 പേരെയാണ് അറസ്റ്റ് ചെയ്തത്. സഹാറന്‍പുര്‍, പ്രയാഗ്രാജ് എന്നിവിടങ്ങളില്‍ പ്രക്ഷോഭങ്ങളില്‍ പങ്കെടുത്തവര്‍ക്കെതിരെ ദേശീയ സുരക്ഷാനിയമം ചുമത്തുമെന്നും പൊലീസ് പ്രഖ്യാപിച്ചു. പ്രയാഗരാജില്‍നിന്ന് 91 പേരെയും സഹാറന്‍പുരില്‍നിന്ന് 71 പേരെയും ഹാഥ്രസില്‍നിന്ന് 51 പേരെയും അറസ്റ്റ് ചെയ്തു. മര്‍ദനത്തെ രൂക്ഷമായി വിമര്‍ശിച്ച പ്രതിപക്ഷ നേതാവ് അഖിലേഷ് യാദവ് കസ്റ്റഡി മരണങ്ങളില്‍ ഒന്നാം സ്ഥാനത്താണ് യുപി എന്നും ഓര്‍മിപ്പിച്ചു.

Eng­lish sum­ma­ry; Protest against blas­phe­my; UP police bru­tal­ly beat those arrested

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.