26 May 2024, Sunday

Related news

May 5, 2024
April 3, 2024
April 2, 2024
March 4, 2024
March 3, 2024
February 29, 2024
February 15, 2024
December 13, 2023
October 16, 2023
August 25, 2023

ക്രിസ്ത്യൻ സ്കൂളിലെ വിദ്യാർത്ഥികളെ ജയ് ശ്രീറാം വിളിക്കാൻ നിർബന്ധിച്ചു: രണ്ട് ബിജെപി എംഎൽഎമാർക്കെതിരെ കേസ്

Janayugom Webdesk
മംഗളൂരു
February 15, 2024 3:26 pm

സ്കൂള്‍ വിദ്യാര്‍ത്ഥികളെ ജയ്ശ്രീറാം വിളിക്കാൻ നിര്‍ബന്ധിച്ച സംഭവത്തില്‍ കർണാടകയിലെ രണ്ട് ബിജെപി എംഎല്‍എമാരായ വേദവ്യാസ് കാമത്തും വൈ ഭരത് ഷെട്ടിയും ഉൾപ്പെടെ അഞ്ച് പേർക്കെതിരെ എഫ്ഐആർ. മംഗളൂരുവിലെ കാമത്ത് സ്കൂള്‍ വിദ്യാര്‍ത്ഥികളോടാണ് ജയ് ശ്രീറാം വിളിക്കാൻ നിര്‍ബന്ധിച്ചത്.

സംഭവത്തില്‍, തങ്ങളോട് വിശദീകരണം തേടാതെയാണ് സ്‌കൂളിന് മുന്നിൽ പ്രതിഷേധ സമരം ആരംഭിച്ചതെന്ന് സെന്റ് ജെറോസ ഇംഗ്ലീഷ് ഹയർ പ്രൈമറി സ്‌കൂൾ മാനേജ്‌മെൻ്റ് പറഞ്ഞു. ജയ് ശ്രീറാം വിളിക്കാൻ വിദ്യാർത്ഥികളെ നിർബന്ധിച്ചെന്നാണ് ആരോപണം. പ്രതികൾ വിദ്യാര്‍ത്ഥികളെ പ്രേരിപ്പിച്ചുവെന്നും സ്‌കൂളിന് മുന്നിൽ പ്രതിഷേധിച്ചുവെന്നും എഫ്ഐആറിൽ പറയുന്നു.

സംഭവത്തിൽ സന്ദീപ് ഗരോഡി, ഭരത് കുമാർ, ബജ്‌റംഗ്ദൾ നേതാവ് ശരൺ പമ്പ്‌വെൽ എന്നിവർക്കെതിരെയും കേസെടുത്തിട്ടുണ്ട്. ക്രിസ്ത്യൻ മതത്തിനെതിരെ മുദ്രാവാക്യം വിളിച്ച് ക്രിസ്ത്യൻഹിന്ദു സമുദായങ്ങൾക്കിടയിൽ ശത്രുതയുണ്ടാക്കുന്നതായും പ്രതിഷേധക്കാർ ആരോപിച്ചു. മംഗലാപുരം സ്ഥിതി ചെയ്യുന്ന ജില്ലയായ ദക്ഷിണ കന്നഡയിലെ സാമുദായിക പ്രശ്‌നങ്ങളോടുള്ള സംവേദനക്ഷമത കണക്കിലെടുത്ത്, അത്തരം നടപടികൾ ക്രമസമാധാന പ്രശ്‌നങ്ങൾ സൃഷ്ടിക്കുമെന്ന് പോലീസ് പറഞ്ഞു.

അതിനാൽ സ്‌കൂളിന് മുന്നിൽ സമരം ചെയ്തവർക്കെതിരെ കർശന നടപടിയെടുക്കണമെന്ന് ആവശ്യപ്പെട്ട് എഫ്ഐആർ രജിസ്റ്റർ ചെയ്തിട്ടുണ്ട്.

Eng­lish Sum­ma­ry: Stu­dents forced to call Jai Shri Ram in school: Case against two BJP MLAs

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.