കോവിഡ് പ്രതിരോധ കുത്തിവെയ്പില്‍ ആദിത്യനാഥ് ഭരിക്കുന്ന യുപി ഏറ്റവും താഴെയാണ്. ഏതാണ്ട് 20 ശതമാനം മുതിര്‍ന്നവര്‍ക്ക് മാത്രമാണമാണ് പൂര്‍ണമായി വ്ക്സിനേഷന്‍ നല്‍കിയിട്ടുള്ളു. അതായത് യുപിയില്‍ പ്രായപൂര്‍ത്തിയായവരില്‍ അഞ്ചില്‍ ഒരാള്‍ക്ക് മാത്രമേ പൂര്‍ണമായി വാക്സിനേഷന് നല്‍കിയിട്ടുള്ളു. രാജ്യത്തെ ഏറ്റവും ജനസംഖ്യയുള്ള സംസ്ഥാനത്ത് കോവിഡ് വാക്സിനേഷന് പ്രകടനത്തില്‍ ഏറ്റവും താഴെയാണ്. കോ-വിന്‍ ഡാഷ്ബോര്‍ഡില്‍ പുറത്തുവിട്ട കണക്കുപ്രകാരം യുപിയില്‍ ഏകദേശം 2.95 കോടി ആളുകള്‍ മാത്രമാണ് രണ്ടാമത്തെ ഷോട്ട് ലഭിച്ചത്.
എന്നിരുന്നാലും, 2011‑ലെ സെൻസസ് പ്രകാരം ഉത്തർപ്രദേശിൽ നിലവിൽ 14.74 കോടി പ്രായപൂർത്തിയായ ജനസംഖ്യ ഉണ്ടായിരിക്കെ മുതിർന്നവരിൽ 20 ശതമാനം പേർ മാത്രമേ പൂർണമായി വാക്സിൻ എടുത്തിട്ടുള്ളൂ. ഝാർഖണ്ഡ്, ബീഹാർ, പഞ്ചാബ്, പശ്ചിമ ബംഗാൾ, തമിഴ്‌നാട് എന്നീ സംസ്ഥാനങ്ങളാണ്
കണക്കാക്കിയിരിക്കുന്ന ജനസംഖ്യയുടെ മൂന്നിലൊന്ന് പോലും പൂർണ്ണമായി വാക്സിനേഷൻ എടുത്തിട്ടില്ലാത്ത രാജ്യത്തെ മറ്റ് സംസ്ഥാനങ്ങൾ.രാജ്യത്ത് 2021 ജനുവരി 16ന് വാക്സിനേഷന് പ്രോഗ്രാം ആരംഭിച്ചു. ആദ്യം ആരോഗ്യപ്രവര്‍ത്തകരേയും, നല്‍പത്തി അഞ്ച് വയസിനു മുകളിലുള്ളവരേയും, മുതിര്‍ന്നവരേയും
വാക്സിനേഷന് വിധേയമാക്കി. പിന്നീട് പതിനെട്ട് വയസിനു മുകളിലുള്ളവര്‍ക്കും നല്‍കി.
ഏതാണ്ട് രാജ്യത്തെ 4.54 ലക്ഷത്തിലധികംആളുകളെ കൊന്നൊടുക്കിയ മഹാമാരിയിരുന്നു കോവിഡ് 19. രാജ്യത്തെ കൊവിഡ് പ്രതിരോധ കുത്തിവയ്പ്പ് ഡ്രൈവിൽ ഉൾപ്പെടുത്തിയിട്ടുള്ള വാക്സിനുകൾ — കോവാക്സിൻ, കോവിഷീൽഡ്, സ്പുട്നിക് വി എന്നിവയാണ്. എല്ലാത്തിനും അവയുടെ മുഴുവൻ ശേഷിയും സജീവമാക്കുന്നതിന് രണ്ട് ഡോസ് വ്യവസ്ഥകളുണ്ട്. രാജ്യത്തെ മുതിർന്നവരിൽ 76.4 ശതമാനം പേർക്കും — അല്ലെങ്കിൽ നാലിൽ മൂന്ന് പേർക്കും — കുറഞ്ഞത് ഒരു ഡോസെങ്കിലും ലഭിച്ചിട്ടുണ്ടെന്നാണ് കണക്കുകള്‍ പറയുന്നത്.അടുത്ത വര്‍ഷം നിയമസഭാ തെരഞ്ഞെടുപ്പ് നടക്കുന്ന സംസ്ഥാനങ്ങളായ ഉത്തര്‍പ്രദേശിലും, പ‍ഞ്ചാബിലുമാണ് ഏറ്റവും കുറച്ചുപേര്‍ വാക്സിനേഷന് എടുത്തത്.
യുപിയില്‍ ബിജെപിയും, പഞ്ചാബില്‍ കോണ്‍ഗ്രസുമാണ് ഉത്തരാഖണ്ഡ്, മണിപ്പൂർ, ഗോവ എന്നീ സംസ്ഥാനങ്ങളിലും അടുത്ത വര്‍ഷം തിരഞ്ഞെടുപ്പ് നടക്കുന്ന സംസ്ഥാനങ്ങളാണ്. ഈ സംസ്ഥാനങ്ങളിലെ മുഴുവൻ ജനങ്ങൾക്കും ആദ്യ ഡോസെങ്കിലും നൽകാനുള്ള ശ്രമത്തിലാണ് അവിടങ്ങളിലെ സര്‍ക്കാര്‍ .സംസ്ഥാനത്തെ തെരഞ്ഞെടുപ്പ് നടക്കുമ്പോഴേക്കും യുപിയില്‍ 100 ശതമാനം വാക്സിനേഷൻ നിരക്ക് ഉണ്ടാകുമെന്ന് ഉത്തർപ്രദേശ് ആരോഗ്യ സെക്രട്ടറി അമിത് മോഹൻ പ്രസാദ് അഭിപ്രായപ്പെട്ടു.
ENGLISH SUMMARY:UP lags far behind Covid vaccination
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.