23 May 2024, Thursday

Related news

March 20, 2024
March 17, 2024
March 17, 2024
March 15, 2024
March 14, 2024
March 13, 2024
March 4, 2024
February 17, 2024
February 17, 2024
February 16, 2024

സീതത്തോട്ടിലും ചിന്നക്കനാലിലും കാട്ടാനകളുടെ ആക്രമണം; യുവാക്കള്‍ക്ക് പരിക്ക്

Janayugom Webdesk
പത്തനംതിട്ട
March 14, 2024 10:48 am

പത്തനംതിട്ടയിലെ സീതത്തോട്ടിലും ഇടുക്കി ചിന്നക്കനാലിലും കാട്ടാനകളുടെ ആക്രമണം. സീതത്തോട് മണിയാര്‍– കട്ടച്ചിറ റൂട്ടില്‍ എട്ടാം ബ്ലോക്കിന് സമീപമിറങ്ങിയ കാട്ടാനക്കൂട്ടം യുവാക്കളെ ആക്രമിച്ചു. കട്ടച്ചിറ സ്വദേശികളായ രഞ്ജു(25) , ഉണ്ണി (20) എന്നിവര്‍ക്കാണ് കാട്ടാനകളുടെ ആക്രമണത്തില്‍ പരിക്കേറ്റത്.

ചിന്നക്കനാലിലെ 301 കോളനിയിലാണ് കാട്ടാന വീട് തകര്‍ത്തത്. ചക്കക്കൊമ്പനാണ് ആക്രമണം നടത്തിയതെന്ന് നാട്ടുകാര്‍ പറയുന്നു. കുറച്ച് ദിവസങ്ങളായി ചക്കക്കൊമ്പന്‍ ജനവാസ മേഖലയോട് അടുത്താണുള്ളത്. പുലര്‍ച്ചയോടെ എത്തിയ ആന ഗോപിനാഗന്‍ എന്നയാളുടെ വീടാണ് തകര്‍ത്തത്. ആക്രമണം നടന്ന സമയം വീടിനുള്ളില്‍ ആരുമുണ്ടായിരുന്നില്ല. വീടിന്‍റെ മുന്‍ഭാഗവും പിന്‍വശവും തകര്‍ത്ത ആന വീട്ടുപകരണങ്ങളും തകര്‍ത്തു. 301 കോളനിയിലേക്കുള്ള വഴിയില്‍ തന്നെയാണ് ആന ഇപ്പോഴുമുള്ളത്. ആനയെ തുരത്താനുള്ള ശ്രമം തുടരുന്നു.

Eng­lish Sum­ma­ry: wild ele­phant attack
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.