ദേശീയ സുരക്ഷ സംബന്ധിച്ച് തെറ്റായ വിവരങ്ങൾ പ്രചരിപ്പിച്ചതിന് പാകിസ്ഥാൻ ആസ്ഥാനമായ ആറ് യൂട്യൂബ് ചാനലുകളും ഒരു ഫേസ്ബുക്ക് അക്കൗണ്ടും ഉൾപ്പെടെ 16 യൂട്യൂബ് ചാനലുകൾ കേന്ദ്രസർക്കാർ നിരോധിച്ചു. ദേശീയ സുരക്ഷയുടെ പേരിൽ 18 യൂട്യൂബ് ചാനലുകൾ ബ്ലോക്ക് ചെയ്ത് മൂന്നാഴ്ചയ്ക്കുള്ളിലാണ് പുതിയ നിരോധനം.
ഇന്ത്യയിൽ പരിഭ്രാന്തി സൃഷ്ടിക്കാനും സാമുദായിക അസ്വാരസ്യമുണ്ടാക്കാനും സാമൂഹികക്രമം തകർക്കാനും തെറ്റായ വിവരങ്ങൾ പ്രചരിപ്പിക്കുന്നതിനാണ് വിലക്കിയതെന്ന് വാർത്താവിതരണ പ്രക്ഷേപണ മന്ത്രാലയം പ്രസ്താവനയിൽ പറഞ്ഞു.
ദേശീയ സുരക്ഷ, ഇന്ത്യയുടെ വിദേശബന്ധം, രാജ്യത്തെ സാമുദായിക സൗഹാർദം തുടങ്ങിയ വിഷയങ്ങളിൽ വ്യാജ വാർത്തകൾ പ്രചരിപ്പിക്കാൻ ഈ ചാനലുകൾ സോഷ്യൽ മീഡിയയെ ഉപയോഗിച്ചതായി നിരീക്ഷിച്ചു. 2021ലെ ഐടി നിയമ പ്രകാരം ഡിജിറ്റൽ വാർത്താ പ്രസാധകർ മന്ത്രാലയത്തിന് വിവരങ്ങൾ നൽകിയിട്ടില്ലന്നും അറിയിപ്പിൽ പറയുന്നു.
English Summary:16 YouTube channels banned in the country
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.