ഇന്ത്യയുടെ 73-ാം റിപ്പബ്ലിക്ദിനം ഭരണഘടനാ സംരക്ഷണ ദിനമായി സിപിഐ ആചരിച്ചു. പാർട്ടി ഓഫീസുകളിൽ ദേശീയ പതാക ഉയർത്തി. ഭരണഘടനയുടെ ആമുഖം വായിച്ച് പ്രതിജ്ഞയെടുത്തു. തിരുവനന്തപുരത്ത് എംഎൻ സ്മാരകത്തിൽ സംസ്ഥാന സെക്രട്ടറി കാനം രാജേന്ദ്രൻ ദേശീയ പതാക ഉയർത്തി. ദേശീയ കൺട്രോൾ കമ്മിഷൻ ചെയർമാൻ പന്ന്യൻ രവീന്ദ്രൻ ഭരണഘടനയുടെ ആമുഖം വായിച്ചു പ്രതിജ്ഞ ചൊല്ലിക്കൊടുത്തു.
രാജ്യത്തിന്റെ ഐക്യവും അഖണ്ഡതയും സംരക്ഷിക്കാനും ഭരണഘടന വിഭാവനം ചെയ്യുന്ന മൂല്യങ്ങൾ ഉയർത്തിപ്പിടിക്കാനും കമ്മ്യൂണിസ്റ്റുകാർ പ്രതിജ്ഞാബദ്ധമാണെന്ന് കാനം രാജേന്ദ്രൻ പറഞ്ഞു. ഭരണഘടനയെ തന്നെ മാറ്റിയെഴുതാൻ ഭരണകൂടം ശ്രമിക്കുന്ന കാലഘട്ടത്തിൽ ഇടതുപക്ഷ മതേതര ശക്തികളുടെ വിപുലമായ ഐക്യനിര വളർന്നുവരണം. അതിനാണ് സിപിഐ ശ്രമിക്കുന്നതെന്ന് കാനം പറഞ്ഞു.
സിപിഐ സ്റ്റേറ്റ് കൗൺസിൽ ഓഫീസ് ബ്രാഞ്ച് സെക്രട്ടറി യു വിക്രമൻ അധ്യക്ഷത വഹിച്ചു. സംസ്ഥാന അസിസ്റ്റന്റ് സെക്രട്ടറി കെ പ്രകാശ്ബാബു, ജില്ലാ സെക്രട്ടറി മാങ്കോട് രാധാകൃഷ്ണൻ, അസിസ്റ്റന്റ് സെക്രട്ടറി പള്ളിച്ചൽ വിജയൻ തുടങ്ങിയവർ സംബന്ധിച്ചു.
English Summary: The CPI observed the Constitution Day
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.