കോഴിക്കോട്: സംസ്ഥാനത്ത് വീണ്ടും പ്രവാസിയെ കാണാതായി. മൂന്നാഴ്ചമുമ്പ് ഖത്തറില്‍നിന്ന് വന്ന കോഴിക്കോട് സ്വദേശിയായ ചക്കരക്കണ്ടിയില്‍ അനസ് (26)നെയാണ് കാണാതായത്. വിമാനത്താവളത്തില്‍ ഇറങ്ങിയശേഷം കാണാതായെന്നാണ് പരാതി. യുവാവിന്റെ മാതാവ് ഇയ്യങ്കോട് കാപ്പാരോട്ട് മുക്ക് മഠത്തില്‍ സുലൈഖയുടെ പരാതിയിലാണ് കേസെടുത്തത്.
അഞ്ചുമാസംമുമ്പാണ് അനസ് ഖത്തറിലേക്ക് ജോലിക്കായി പോയത്. വിമാനമിറങ്ങിയതിനുശേഷം മകനെക്കുറിച്ച് യാതൊരു വിവരവുമില്ലെന്നാണ് മാതാവ് പൊലീസിനോട് പറഞ്ഞു. വാണിമേല്‍ ഭാഗത്തുനിന്നാണ് അനസ് കല്യാണംകഴിച്ചത്.
യുവാവിനെ കാണാതായതിനെത്തുടര്‍ന്ന് വാണിമേല്‍, ചാലപ്പുറം, ഇയ്യങ്കോട് ഭാഗത്തെത്തി പോലീസ് വിവരങ്ങള്‍ ശേഖരിച്ചു. യുവാവുമായി നേരത്തേ ബന്ധമുള്ളവരെ ചോദ്യംചെയ്യാനായി വിളിപ്പിച്ചിട്ടുണ്ട്.
പേരാമ്പ്ര സ്വര്‍ണക്കടത്ത് കൊലപാതകവുമായി ബന്ധപ്പെട്ടുണ്ടായ സംഭവത്തിന്റെ പശ്ചാത്തലത്തില്‍ പോലീസ് അന്വേഷണം ഊര്‍ജിതമാക്കിയിട്ടുണ്ട്. സ്വര്‍ണ ഇടപാടുമായി ബന്ധപ്പെട്ടാണ് യുവാവിനെ കാണാതായതെന്ന വിവരമാണ് പോലീസിന് ലഭിച്ചത്.
English Summary: Kozhikode expat youth goes missing again
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.