വർഗീയ ഫാസിസ്റ്റുകളുമായി സന്ധി ചെയ്യാൻ മുൻ പ്രധാനമന്ത്രിയും കോൺഗ്രസ് നേതാവുമായ ജവഹർ ലാൽ നെഹ്റു സൻമനസ് കാണിച്ചുവെന്ന് കെപിസിസി പ്രസിഡന്റ് കെ സുധാകരൻ. നെഹ്റുവിന്റെ ജൻമദിനത്തോടൊനുബന്ധിച്ച് കണ്ണൂർ ഡിസിസി സംഘടിപ്പിച്ച നവോത്ഥാന സദസ്സിൽ സംസാരിക്കുകയായിരുന്നു അദ്ദേഹം. ആർ എസ് എസ് ശാഖകൾക്ക് താൻ സംരക്ഷണം നൽകിയെന്ന വിവാദപരാമർശത്തിന് പിന്നാലെയാണ് കെ സുധാകരൻ വീണ്ടും വിവാദപരമായ പരാമർശം നടത്തിയിരിക്കുന്നത്. സന്ധിചെയ്യാനുള്ള സൻമനസ്സിന്റെ ഭാഗമായാണ് ആർഎസ്എസ് നേതാവ് ശ്യാം പ്രസാദ് മുഖർജിയെ നെഹ്റു മന്ത്രിസഭയിൽ മന്ത്രിയാക്കിയത്. കോൺഗ്രസുകാരനല്ലാത്ത അംബേദ്കറെയും മന്ത്രിയാക്കി.
നെഹ്റുവിന്റെ ജന്മദിനത്തിൽ പോലും നെഹ്‌റുവിനെ അധിക്ഷേപിച്ചു കെ സുധാകരൻ pic.twitter.com/08Lnb0DjK6
— Comrade From Kerala 🌹 (@ComradeMallu) November 14, 2022
അംഗീകൃത പ്രതിപക്ഷമില്ലാഞ്ഞിട്ടും എ കെ ഗോപാലന് പ്രതിപക്ഷ നേതൃപദവി നൽകിയതും ഉയർന്ന ജനാധിപത്യ ബോധത്തിന്റെ ഭാഗമായാണെന്നും സുധാകരൻ പറഞ്ഞു. ഇതോടെ താൻ മാത്രമല്ല, നെഹ്റുവും ആർഎസ്എസുമായി സന്ധിചെയ്തുവെന്ന് സ്ഥാപിക്കുകയെന്നതിന്റെ ഭാഗമായാണ് ഇത്തരമൊരു പരാമർശം നടത്തിയതെന്നാണ് വ്യക്തമാവുന്നത്. മുമ്പ് സുധാകരൻ നടത്തിയ വിവാദ പരാമർശനത്തിന് പിന്നാലെ ആർ എസ് എസിനും രാജ്യത്ത് സ്വതന്ത്രമായി പ്രവർത്തിക്കാനുള്ള അവകാശമുണ്ടെന്ന് കെ സുധാകരൻ വാദിച്ചിരുന്നു. ആർ എസ് എസിന്റെ പ്രവർത്തനങ്ങളെ ന്യായീകരിച്ച് കെ സുധാകരൻ തുടർച്ചയായി പരാമർശങ്ങൾ നടത്തുകയാണെന്ന വിമർശനം കോൺഗ്രസിനകത്തും പുറത്തുമെല്ലാം വൻ ചർച്ചയാകുന്നുണ്ട്.
English Summary: K Sudhakaran insults Nehru on his birthday, video
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.