16 April 2024, Tuesday

Related news

December 29, 2023
December 2, 2023
November 21, 2023
October 8, 2023
September 30, 2023
September 15, 2023
September 10, 2023
September 5, 2023
September 3, 2023
September 2, 2023

ആദിത്യ എൽ 1: രണ്ടാം ഘട്ട ഭ്രമണപഥമുയർത്തൽ വിജയം

Janayugom Webdesk
ബംഗളൂരു
September 5, 2023 9:58 pm

ഇന്ത്യയുടെ ആദ്യ സൗരപഠന ദൗത്യമായ ആദിത്യ എൽ 1ന്റെ രണ്ടാം ഘട്ട ഭ്രമണപഥമുയർത്തൽ വിജയം. ഭൂമിയോട് അടുത്ത ദൂരം 282 കിലോമീറ്ററും അകലെയുള്ള ദൂരം 40,225 കിലോമീറ്ററുമുള്ള ഭ്രമണപഥത്തിലേക്കാണ് ആദിത്യയെ ഉയർത്തിയത്. 

ബംഗളൂരുവിലെ മിഷൻ ഓപറേഷൻസ് കേന്ദ്രത്തിൽ നിന്നാണ് ഭ്രമണപഥം ഉയർത്തലിന് നേതൃത്വം നല്‍കിയത്. അടുത്ത ഘട്ടം ഭ്രമണപഥം ഉയർത്തൽ പത്തിന് പുലര്‍ച്ചെ 2.30ന് നടക്കും. ഉപഗ്രഹത്തിന്റെ പ്രവർത്തനം കാര്യക്ഷമമാണെന്ന് സമൂഹമാധ്യമമായ എക്സില്‍ ഐഎസ്ആര്‍ഒ അറിയിച്ചു. സൂര്യനിലേക്കുള്ള സഞ്ചാരം ആരംഭിക്കും മുമ്പ് ഭൂമിയെ ചുറ്റിയുള്ള സഞ്ചാരത്തിൽ അഞ്ചുതവണയാണ് ഭ്രമണപഥമുയർത്തുക.

ആദിത്യ എൽ1 ഭൗമ ഭ്രമണപഥത്തില്‍ 16 ദിവസം തുടരും. ഭ്രമണപഥം ഉയർത്തൽ പ്രക്രിയ പൂർത്തിയായ ശേഷമാണ് സൂര്യനു സമീപമുള്ള എൽ1 ബിന്ദുവിലേക്കുള്ള യാത്ര ആരംഭിക്കുന്നത്. എൽ1 പോയിന്റിൽ എത്തിയ ശേഷം, ആദിത്യ എൽ 1 ട്രാൻസ്-ലഗ്റാഞ്ചിയൻ 1ലേക്ക് എത്തിക്കും. അവിടെ നിന്നാകും 110 ദിവസം ദൈർഘ്യമുള്ള സഞ്ചാരം ആരംഭിക്കുന്നത്. 

Eng­lish Summary:Aditya L1: Sec­ond stage orbital lift successful

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.