നോട്ട് നിരോധനം കള്ളപ്പണം ഇല്ലാതാക്കാനുള്ള പ്രധാന നടപടികളിൽ ഒന്നാണെന്നു കഴിഞ്ഞ ദിവസം സുപ്രീംകോടതയില്‍ അവകാശവാദം ആവർത്തിച്ച്‌ കേന്ദ്രധനമന്ത്രാലയം സുപ്രീംകോടതിയിൽ സമർപ്പിച്ച പുതിയ സത്യവാങ്‌മൂലത്തിലാണ്‌ നോട്ട് നിരോധനം സംബന്ധിച്ച പഴയ വാദങ്ങൾ സർക്കാർ ആവർത്തിച്ചു പറഞ്ഞിരിക്കുന്നത്. പ്രചാരത്തിലിരുന്ന 80ശതമാനത്തിലധികം 500, 1000 നോട്ടുകല്‍ പിൻവലിക്കാൻ റിസർവ്‌ബാങ്ക്‌ ശുപാർശ ചെയ്‌തിരുന്നെന്നും ഇതിന്റെ അടിസ്ഥാനത്തിലാണ്‌ നോട്ട് നിരോധന വിജ്ഞാപനം പുറപ്പെടുവിച്ചതെന്നും പറയുന്നു.
2010–2011 മുതൽ 2015–2016 വരെ 500 ന്റെ നോട്ടുകളുടെ വിനിമയത്തിൽ 76.4 ശതമാനത്തിന്റെയും ആയിരത്തിന്റെ വിനിമയത്തിൽ 109 ശതമാനത്തിന്റെയും വർധനയുണ്ടായി. ഈ സാഹചര്യത്തിൽ, കള്ളപ്പണം വെളുപ്പിക്കലും വ്യാജനോട്ടടിയും അനധികൃത സാമ്പത്തിക ഇടപാടുകളും നിയന്ത്രിക്കുകയെന്ന ലക്ഷ്യത്തോടെയാണ്‌ സർക്കാർ പഴയ നോട്ടുകൾ പിൻവലിച്ച്‌ പുതിയ സീരീസ്‌ പുറത്തിറക്കിയതെന്നും ധനമന്ത്രാലയം ഡെപ്യൂട്ടി സെക്രട്ടറി സമർപ്പിച്ച സത്യവാങ്‌മൂലത്തിൽ അവകാശപ്പെട്ടു.
വിശദമായ സത്യവാങ്‌മൂലം സമർപ്പിക്കാത്ത കേന്ദ്രസർക്കാരിനെ സുപ്രീംകോടതി രൂക്ഷമായി വിമർശിച്ചിരുന്നു.നോട്ട് നിരോധനത്തിന് ശേഷംഡിജിറ്റൽ പേയ്‌മെന്റ് ഇടപാടുകളുടെ എണ്ണം 2016ൽ 6,952 കോടിരൂപയുടെ1.09 ലക്ഷം ഇടപാടുകളിൽ നിന്ന് 12 ലക്ഷം കോടിയിലധികം മൂല്യമുള്ള 730 കോടി ഇടപാടുകളായി വർധിച്ചതായി മന്ത്രാലയം അറിയിച്ചു
English Summary:
Demonetization: The Center again in the Supreme Court that it has strengthened the economy
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.