ഓസ്ട്രേലിയയിലേക്ക് കയറ്റി അയയ്ക്കാനുള്ള വസ്ത്രങ്ങള്ക്കുള്ളില് നിന്നും മൂന്ന് കോടി രൂപ വിലമതിക്കുന്ന മയക്കുമരുന്നുകള് നാര്ക്കോട്ടിക്സ് കണ്ട്രോള് ബ്യൂറോ പിടിച്ചെടുത്തു.രഹസ്യവിവരത്തെതുടര്ന്ന് എന് സി ബി ഉദ്യോഗസ്ഥര് നടത്തിയ പരിശോധനയിലാണ് മയക്കുമരുന്ന് അടങ്ങിയ ലഹങ്കകള് പിടികൂടിയത്. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ട്.
അന്വേഷണത്തില് ആന്ധ്രാപ്രദേശിലെ നരാസപുരത്തു നിന്നും ബുക്ക് ചെയ്ത പാര്സല് ചെന്നൈ വഴി ഓസ്ട്രേലിയയിലേക്ക് കടത്താനുള്ള പദ്ധതിയിലായിരുന്നു. ലഹങ്കയുടെ തുന്നല് ഇളക്കി മയക്കു മരുന്ന് നിറച്ച ശേഷം പഴയതു പോലെ തുന്നിപിടിപ്പിച്ച നിലയിലായിരുന്നു കണ്ടെത്തിയത്. ബാംഗ്ലൂരില് വച്ച് പിടികൂടിയ പാര്സലിനെ കുറിച്ചുള്ള വിവരങ്ങള് ചെന്നൈ ബ്രാഞ്ചിന് കൈമാറിയിരുന്നു. അവരാണ് ബുക്കിംഗ് വിവരങ്ങള് വച്ച് പ്രതിയെ പിടിക്കൂടിയത്. വ്യാജ അഡ്രസിലായിരുന്നു പാര്സല് ബുക്ക് ചെയ്തിരുന്നത്.
English Summary : drugs seized worth three crore
You may also like this video :
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.