18 April 2024, Thursday

ഗാര്‍ഹിക തൊഴില്‍ ചെയ്യുന്നവര്‍ക്കും മരം കയറ്റം തൊഴിലാളികള്‍ക്കുംവരെ അപേക്ഷിക്കാം: ‘തൊഴിലാളി ശ്രേഷ്ഠ’ അവാര്‍ഡിന് അപേക്ഷ ക്ഷണിച്ചു

Janayugom Webdesk
തിരുവനന്തപുരം
January 28, 2023 5:30 pm

ആരോഗ്യപരവും ഉല്പാദനക്ഷമതയിലൂന്നിയതുമായ തൊഴിൽ സംസ്കാരം വളർത്തിയെടുക്കുന്നതിനും തൊഴിൽ മേഖലയിൽ പ്രോത്സാഹനം വർധിപ്പിക്കുന്നതിനും തൊഴിൽ വകുപ്പ് ഏർപ്പെടുത്തിയിട്ടുള്ള ‘തൊഴിലാളി ശ്രേഷ്ഠ’ അവാർഡിന് എൻട്രികൾ ക്ഷണിച്ചു.

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാപദ്ധതിയിൽ അംഗത്വമുള്ള മരംകയറ്റ തൊഴിൽ, സെയിൽസ്മാൻ, നഴ്സ്, ഗാർഹികതൊഴിൽ, കൈത്തൊഴിൽ എന്നിവ ചെയ്യുന്ന വിദഗ്ദ്ധതൊഴിലാളികൾ, ഓയിൽ മിൽ തൊഴിലാളികൾ എന്നിവർക്ക് പുരസ്കാരത്തിന് അപേക്ഷിക്കാമെന്ന് ബോർഡ് ചീഫ് എക്സിക്യൂട്ടീവ് ഓഫീസർ അറിയിച്ചു. പുരസ്കാരത്തിന് അർഹരാകുന്ന തൊഴിലാളികൾക്ക് ക്യാഷ് അവാർഡും പ്രശസ്തി പത്രവും നൽകും. ജനുവരി 30 നു മുമ്പ് ഓൺലൈനായി അപേക്ഷകൾ സമർപ്പിക്കണം. കൂടുതൽ വിവരങ്ങൾക്കും എൻട്രികൾ സമർപ്പിക്കുന്നതിനും lc.kerala.gov.in എന്ന പോർട്ടിൽ ‘തൊഴിലാളി ശ്രേഷ്ഠ’ എന്ന ലിങ്ക് പരിശോധിക്കുക.

Eng­lish Sum­ma­ry: Entries are invit­ed for the Thozhi­lali shresh­ta awards

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.