നൂറു കോടിയിലധികം രൂപയുടെ ക്രമക്കേട് നടന്ന കരുവന്നൂര് ബാങ്ക് തട്ടിപ്പുകേസില് ഒരു കേന്ദ്ര ഏജന്സിയുടെ അന്വേഷണം അനിവാര്യമല്ലേ എന്ന് ഹൈക്കോടതി.കേന്ദ്ര ഏജന്സി അന്വേഷിക്കണമെന്ന ഹര്ജിയില് സത്യവാങ്മൂലം സമര്പ്പിക്കാന് സംസ്ഥാന സര്ക്കാര് കൂടുതല് സമയം തേടി.കേസില് സി.ബി.ഐ അന്വേഷണം ആവശ്യപ്പെട്ട് സുരേഷ് എന്ന വ്യക്തി നല്കിയ ഹര്ജിയിലാണ് കരുവന്നൂര് ബാങ്ക് തട്ടിപ്പുകേസ് സിബിഐഅന്വേഷിക്കേണ്ടതല്ലേ എന്ന് ഹൈക്കോടതി ചോദ്യമുന്നയിച്ചിരിക്കുന്നത്. സിബിഐക്കും ഇഡിക്കും നോട്ടീസ് അയക്കാനും കോടതി നിര്ദ്ദേശിച്ചു.
നിലവില് ക്രൈംബ്രാഞ്ചിന്റെ പ്രത്യേക സംഘമാണ് കരുവന്നൂര് ബാങ്ക് തട്ടിപ്പുകേസില് അന്വേഷണം നടത്തുന്നത്. എന്നാല് കേസിലെ അന്വേഷണ പുരോഗതി സമര്പ്പിക്കാനും സര്ക്കാരിനോട് ഹൈക്കോടതി ആവശ്യപ്പെട്ടിട്ടുണ്ട്.
തട്ടിയെടുത്ത പണം ഉപയോഗിച്ച് കേരളത്തിനകത്തും പുറത്തുമായി പ്രതികള് ഭൂമി വാങ്ങിക്കൂട്ടി എന്ന ആരോപണവുമുണ്ട്. കുറ്റകൃത്യത്തിന്റെ ഭാഗമായ പണം മറ്റ് ആവശ്യങ്ങള്ക്കായി വിനിയോഗിച്ച സാഹചര്യത്തില് കേസില് ഇഡിയുടെ അന്വേഷണം ആവശ്യമാണെന്ന് ചൂണ്ടിക്കാട്ടി ഇ ഡിക്ക് നോട്ടീസയയ്ക്കാനും കോടതി ആവശ്യപ്പെട്ടിട്ടുണ്ട്.
english summary;High Court on Karuvannur bank fraud case
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.