Web Desk

ന്യൂഡല്‍ഹി

February 03, 2020, 7:20 pm

ജമ്മു കശ്മീരില്‍ കരസേനയുടെ ഹെലികോപ്റ്റര്‍ തകര്‍ന്നു വീണു

Janayugom Online

ജമ്മു കശ്മീരില്‍ കരസേനയുടെ ഹെലികോപ്റ്റര്‍ തകര്‍ന്നുവീണു. ജമ്മു കശ്മീരിലെ റെയ്‌സിക്ക് സമീപം രുദ്കുണ്ഡില്‍ രാവിലെ 11.30 ഓടെയായിരുന്നു സംഭവം. ഹിന്ദുസ്ഥാന്‍ എയറോനോട്ടിക്‌സ് നിര്‍മ്മിച്ച ചീറ്റാ ഹെലികോപ്റ്ററാണ് തകര്‍ന്നുവീണത്. വിമാനത്തില്‍ ഉണ്ടായിരുന്ന രണ്ട് പൈലറ്ററുമാരും സുരക്ഷിതരാണ്.

ചീറ്റയുടെ പരിശീലന പതിപ്പില്‍ രണ്ട് പേര്‍ക്ക് മാത്രമേ സഞ്ചരിക്കാനാകൂ. അതേസമയം മറ്റ് പതിപ്പുകളില്‍ രണ്ട് പൈലറ്റുമാര്‍ക്കും മൂന്ന് യാത്രക്കാര്‍ക്കും സഞ്ചരിക്കാനുള്ള സൗകര്യമുണ്ട്. ആകാശനിരീക്ഷണത്തിനും സാധനങ്ങള്‍ എത്തിക്കുന്നതിനും രക്ഷാപ്രവര്‍ത്തനത്തിനുമാണ് ചീറ്റ ഹെലികോപ്റ്റര്‍ ഉപയോഗിക്കുന്നത്. 1973 മുതല്‍ ഈ വിമാനം ഇന്ത്യന്‍ സേനാ വിഭാഗങ്ങള്‍ ഉപയോഗിക്കുന്നുണ്ട്.

Indi­an army heli­copter crash

YOU MAY ALSO LIKE THIS VIDEO