കാലവർഷം ശക്തിപ്രാപിച്ചതോടെ തീരദേശത്ത് പലയിടങ്ങളിലും കടൽക്ഷോഭം രൂക്ഷമായി. ഉണ്ണിയാൽ പുതിയകടപ്പുറം മുതൽ പറവണ്ണ വേളാപുരം വരെ കടൽക്ഷോഭം അതിരൂക്ഷമാവുകയാണ്. കടൽ ഭിത്തിയോട് ചേർന്നുള്ള മണൽതിട്ടകൾ പൂർണ്ണമായും കടലെടുത്തു. ഉണ്ണിയാൽ പുതിയകടപ്പുറം ഭാഗത്ത് രൂക്ഷമായ കടലേറ്റത്തിൽ കടൽഭിത്തി തകർന്നു. കടലേറ്റം രൂക്ഷമായാൽ തീരദേശ നടപാത അപകടത്തിലാവുമെന്ന സ്ഥിതിയിലാണിപ്പോൾ. കനത്തെ കടൽക്ഷോഭത്തെ തുടർന്ന് പറവണ്ണ ബദാം ബീച്ചിൽ സന്ദർശകർക്ക് വിലക്കേർപ്പെടുത്തിയിട്ടുണ്ട്. കഴിഞ്ഞ കടലേറ്റത്തിൽ ഇവിടങ്ങളിലെ ഇരിപ്പിടങ്ങൾ കടലെടുത്തിരുന്നു. അതിന് ശേഷം സ്ഥാപിച്ച ഇരിപ്പിടങ്ങളും ബദാംമരങ്ങളുമെല്ലാം കടലേറ്റം രൂക്ഷമാവുന്നതോടെ കടലെടുക്കുന്ന ആശങ്കയിലാണ് തീരദേശവാസികൾ
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.