സഭ ഇന്നത്തേക്ക് പിരിഞ്ഞു

നിയമസഭ ഇന്നത്തേക്ക് പിരിഞ്ഞു. നിയമസഭാ നടപടികൾ പുനരാരംഭിച്ചപ്പോഴും പ്രതിഷേധവുമായി പ്രതിപക്ഷം രംഗത്ത് വന്നതോടെയാണ് സഭ ഇന്നത്തേക്ക് പിരിഞ്ഞത്.

പ്രതിപക്ഷത്തെ ടി സിദ്ധീഖ് നൽകിയ അടിയന്തരപ്രമേയ നോട്ടീസിന് ചെയർ അനുമതി നൽകിയെങ്കിലും അവതരിപ്പിക്കാതെ സഭയില്‍ ബഹളംവച്ചു. സ്പീക്കറുടെ ഡയസിനരികിലേക്കെത്തി പ്രതിഷേധിക്കുകയായിരുന്നു.

നോട്ടീസ് അവതരിപ്പിക്കാൻ ആവശ്യപ്പെട്ടിട്ടും മുതിർന്നില്ല. ഇതോടെയാണ് മറ്റുസഭാ നടപടികളിലേക്ക് കടന്നതും പിന്നീട് ഇന്നത്തേക്ക് പരിഞ്ഞതും. നാളെ വീണ്ടും സഭ സമ്മേളിക്കും.

കാര്യവിവര പട്ടിക ബന്ധപ്പെട്ട മന്ത്രിമാർ മേശപ്പുറത്തുവച്ചു. സബ്ജക്ട് കമ്മിറ്റി അധ്യക്ഷന്മാരായ മന്ത്രിമാർ റിപ്പോർട്ടുകളും അവതരിപ്പിച്ചു. 2022 ലെ സഹകരണ ഭേദഗതി ബിൽ മന്ത്രി വി എൻ വാസവനും അവതരിപ്പിച്ചു. സഭ ഇന്നത്തേക്ക് പിരിയുന്നതായി ചെയർ അറിയിച്ചു.

Eng­lish summary;Opposition protest; The assem­bly is stop for today

You may also like this video;