മുംബൈയിലെ ബൈക്കുള വനിതാ ജയിലിന് പുറത്ത് ഡ്യൂട്ടിയിലായിരുന്ന പൊലീസുകാരൻ സ്വയം വെടിയുതിർത്തു മരിച്ചു. വ്യാഴാഴ്ച വൈകുന്നേരമാണ് സംഭവം. ശ്യാം വർഗഡെ (48) എന്ന കോൺസ്റ്റബിളാണ് മരിച്ചത്. വെടിയേറ്റ ഉടൻ തന്നെ ഇയാളെ നായർ ആശുപത്രിയിലെത്തിച്ച് ചികിത്സ നൽകിയെങ്കിലും മരണം സംഭവിച്ചു. അപകട മരണത്തിന് കേസ് രജിസ്റ്റർ ചെയ്തിട്ടുണ്ട്. മുംബൈയിലെ നാഗ്പാഡ പൊലീസാണ് സംഭവത്തെക്കുറിച്ച് അന്വേഷിക്കുന്നത്.
ഇയാൾ സ്വയം വെടിയുതിർത്തതിന്റെ കാരണം ഇതുവരെ കണ്ടെത്താനായിട്ടില്ല. രാത്രി 8.20 ഓടെയാണ് വർഗഡെ സ്വയം വെടിയുതിർത്തത്. ടാഡിയോ ലോക്കൽ ആം യൂണിറ്റ് ‑2 ലെ കോണ്‍സ്റ്റബിളാണ് മരിച്ച ശ്യാം. ഇയാള്‍ക്ക് ഭാര്യയും രണ്ട് കുട്ടികളുമുണ്ടെന്നും പൊലീസ് ഉദ്യോഗസ്ഥര്‍ പറഞ്ഞു.
English Sammury: An on-duty police constable shot death himself outside a jail in Byculla
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.